ماہرین نے شادی میں ناکامی کی وجہ اسمارٹ فون کو قرار دیا ہے۔
حال ہی میں کی گئی ایک تحقیق سے یہ بات سامنے آئی ہے کہ اسمارٹ فون کے لیے شریک حیات کو نظر انداز کرنے سے شادی ناکام ہو سکتی ہے۔
تحقیق میں دریافت کیا گیا کہ یہ بظاہر عام سی عادت نہ صرف آپ کے اردگرد موجود افراد کے مزاج پر گراں گزرتی ہے بلکہ اس سے جوڑوں کا باہمی تعلق بھی تباہ ہوسکتا ہے۔
محققین کا کہنا ہے کہ اس عادت کے نتیجے میں لوگوں کے باہمی تعلق پر منفی اثرات مرتب ہوتے ہیں، جب میاں یا بیوی میں سے کوئی ایک اسمارٹ فون پر بہت زیادہ مصروف رہتا ہو تو جوڑوں کا باہمی رشتہ متاثر ہوتا ہے۔
دوسری جانب پاکستان شوبز انڈسٹری کی مشہور و معروف اداکارہ منشا پاشا نے مشہور شخصیات کی شادیاں ناکام ہونے کی وجہ بتادی ہے۔
ایک انٹرویو میں اداکارہ منشا پاشا نے مشہور شخصیات کی شادیوں اور طلاقوں کے بارے میں بات کی۔
View this post on Instagram
انہوں نے کہا کہ اداکار غیر مستحکم ہوتے ہیں اور ہمارا کام ہماری دماغی صحت کو بھی متاثر کرتا ہے کیونکہ ہم مسلسل کیمرے کے سامنے تاثرات اور جذبات سے کھیل رہے ہوتے ہیں اور لوگ ڈرامے میں ادا کئے گئے کردار سے ہی ہمارے بارے میں رائے قائم کرلیتے ہیں۔
View this post on Instagram
ان کا کہنا تھا کہ اکثر جب کوئی اداکار اور اداکارہ کسی ڈرامے میں بطورِ جوڑی کردار نبھاتے ہیں تو لوگ ان کی جوڑی کو بے حد پسند کرنے لگتے ہیں اور جب وہ بھی یہ بات محسوس کرتے ہیں کہ وہ ایک ساتھ اچھے لگتے ہیں اور انہیں پسند کیا جاتا ہے اس لئے وہ شادی کرلیتے ہیں جو کہ بعد میں مسائل کا سبب بن جاتی ہے کیونکہ انہوں نے ایک دوسرے کو سمجھا نہیں ہوتا۔
یہ بھی پڑھیں: زندگی میں کبھی عالیشان چیزوں کی خواہش نہیں رہی، منشا پاشا کا بول کو خصوصی انٹرویو
View this post on Instagram
اداکارہ نے بتایا کہ ہم اداکاروں کے کام کی نوعیت ہی دکھاوا کرنا ہے اور یہی وجہ ہے کہ ہم جو بھی کر رہے ہوتے ہیں سوشل میڈیا پر دکھاتے ہیں اور لوگ ہمارے معاملات میں بولتے ہیں کیونکہ انہوں نے ہمیں جوڑی کے طور پر ایک ساتھ دیکھا ہوتا ہے اس لئے انہیں ہماری شادی اور طلاق کے بارے میں جاننے کیلئے بھی تجسس ہوتا ہے۔
View this post on Instagram
انہوں نے کہا کہ ہمیں اپنی ذاتی زندگی سے جڑے معاملات سوشل میڈیا پر نہیں بتانے چاہیے اور اپنی منگنی شادی وغیرہ کو سوشل میڈیا سے دور رکھنا چاہیے کیونکہ ہماری شادی، شادی ہونی چاہیے نہ کہ سوشل میڈیا پر دکھایا جانے والا رشتہ۔
View this post on Instagram
معروف اداکارہ منشا پاشا کا کہنا تھا کہ اداکاروں کی شادیاں ناکام ہونے کی اور بھی کئی وجوہات ہوتی ہوں گی مگر ان میں سے ایک بڑی وجہ یہ بھی ہے۔
View this post on Instagram
