میڈیکل کی طالبہ عروسی لباس پہن کر کالج پہنچ گئی جس کی ویڈیو سوشل میڈیا پر وائرل ہو گئی ہے۔
حال ہی میں ایک ویڈیو سوشل میڈیا پر خوب گردش کر رہی ہے جس میں ایک دلہن شادی کی ساڑھی میں ملبوس اسٹیتھو اسکوپ پہنے فزیو تھراپی کے پریکٹیکل امتحان میں شرکت کیلئے کالج پہنچ گئی، شری لکشمی انیل، بیٹھانی نواجیون کالج آف فزیوتھراپی کی طالبہ ہیں۔
ویڈیو میں دیکھا جا سکتا ہے کہ دلہن نے پیلے رنگ کی شادی کی ساڑھی زیب تن کی ہے اور وہ گاڑی میں بیٹھے کالج جارہی ہیں۔
View this post on Instagram
جب وہ کالج پہنچ کر گاڑی سے اترتی ہیں تو ان کی دوست اس کی ساڑھی کے فال کو ایڈجسٹ کرنے میں اس کی مدد کرتی ہے اور اس کے گلے میں اسٹیتھواسکوپ ڈالتی ہے۔
دلہن جیسے ہی امتحانی ہال میں داخل ہوتی ہیں، وہاں موجود ہم جماعت اسے دیکھ کر بھرپور تالیوں کے ساتھ اس کا استقبال کرتے ہیں۔
ویڈیو میں دیکھا جاسکتا ہے کہ امتحان کے بعد دلہن باہر نکل کر اپنی ماں کو گلے لگاتی نظر آتی ہے۔
