معروف اداکارہ ہانیہ عامر کے میک اپ آرٹسٹ بابر ظہیر نے انفلوئنسر بشریٰ میمن کا میک اپ اور اسٹائلنگ کی جس کے بعد ان کی ہانیہ عامر سے مشابہت ایک بار پھر سوشل میڈیا پر زیرِ بحث آگئی۔
بابر ظہیر نے انسٹاگرام پر بشریٰ میمن کے ساتھ ایک ویڈیو شیئر کی جس میں وہ ان کا میک اپ، ہیئر اسٹائل اور مجموعی لُک ہانیہ عامر کے ایک مشہور انداز سے ملتا جلتا بناتے دکھائی دیے۔
میک اوور مکمل ہونے کے بعد بشریٰ میمن کی ہانیہ عامر سے ظاہری مشابہت مزید نمایاں ہوگئی جس پر سوشل میڈیا صارفین کی جانب سے مختلف تبصرے کیے جارہے ہیں۔
View this post on Instagram
واضح رہے کہ بابر ظہیر اس سے قبل ایک مارننگ شو میں بھی بشریٰ میمن کا گلیم اپ کرچکے ہیں۔
ویڈیو سامنے آنے کے بعد بعض صارفین نے سوال اٹھایا کہ آیا بشریٰ میمن کو شوبز انڈسٹری میں متعارف کرانے کی تیاری کی جارہی ہے جبکہ کچھ صارفین نے اسے محض ایک تفریحی کولیب قرار دیا۔
