ہانگ کانگ کے معروف ایکشن اسٹار جیکی چن نے 72 سال کی عمر میں باسکٹ بال کورٹ پر کامیاب شاٹ لگا کر تقریب میں موجود شائقین کو حیران کردیا۔
جیکی چن نے 7 سے 11 اکتوبر تک میکاؤ کے وینیٹین کوٹائی ایکسپو میں منعقد ہونے والے این بی اے ہاؤس 2026 فین فیسٹیول میں شرکت کی۔ یہ ایونٹ این بی اے چائنا گیمز 2026 کے سلسلے میں منعقد کیا گیا جس میں باسکٹ بال کے ساتھ موسیقی، تفریح اور فیشن سے متعلق سرگرمیاں بھی شامل تھیں۔
Jackie Chan understands it now!🏀 https://t.co/tkgMdCEAGI
— Lethal Shooter (@LethalShooter__) October 8, 2026
تقریب کے دوران باسکٹ بال شوٹنگ کوچ کرس میتھیوز نے جیکی چن کو شاٹ لگانے کے حوالے سے چند مفید مشورے دیے۔ اس کے بعد اداکار نے کورٹ میں اتر کر اپنی مہارت آزمائی اور طویل فاصلے سے گیند باسکٹ میں پھینک دی۔ پہلی ہی کوشش میں کامیابی پر جیکی چن نے خوشی کا اظہار کرتے ہوئے دونوں بازو بلند کردیے جبکہ حاضرین نے تالیوں اور نعروں سے ان کی حوصلہ افزائی کی۔
نیشنل باسکٹ بال ایسوسی ایشن (این بی اے) نے بھی جیکی چن کی اس کامیاب کوشش کو سوشل میڈیا پر نمایاں کیا اور کہا کہ اداکار نے چیلنج قبول کرتے ہوئے جمپ شاٹ لگایا اور پہلی کوشش میں ہی کامیابی حاصل کرلی۔
A lesson from a legend!
Jackie Chan teaches @IamKrisLondon a signature Kung Fu move in Macao 👏👏
🏀 NBA China Games 2026
🆚 Mavericks/Rockets
📅 10/9 and 10/11 on NBA TV https://t.co/ly4WoBik06— NBA (@NBA) October 8, 2026
فین فیسٹیول کے علاوہ جیکی چن نے وینیٹین ایرینا میں ہیوسٹن راکٹس اور ڈلاس ماورکس کے درمیان این بی اے چائنا گیمز 2026 کا پری سیزن میچ بھی دیکھا۔
جیکی چن کی باسکٹ بال کھیلنے کی ویڈیو نے شائقین کی توجہ حاصل کی جبکہ ان کی پھرتی اور کھیل میں دلچسپی کو بھی سراہا گیا۔
