ملک بھر میں سونے اور چاندی کی فی تولہ قیمت میں آج بڑا اضافہ ریکارڈ کیا گیا ہے۔
ملک میں سونے کی فی تولہ قیمت میں 7 ہزار 900 روپے کا اضافہ ہوگیا جس کے بعد فی تولہ سونا 4 لاکھ 57 ہزار 236 روپے کا ہوگیا جب کہ عالمی مارکیٹ میں بھی سونے کی قیمت 79 ڈالر بڑھ گئی۔
10 گرام سونے کی قیمت میں بھی 6 ہزار 773 روپے کا اضافہ ہوا جس کے بعد 10 گرام سونا 3 لاکھ 92 ہزار 6 روپے کا ہوگیا۔
عالمی مارکیٹ میں سونے کی فی اونس قیمت 79 ڈالر کے اضافے سے 4 ہزار 347 ڈالر پر پہنچ گئی۔
دوسری جانب چاندی کی فی تولہ قیمت میں بھی 140 روپے کا اضافہ ہوا ہے جس کے بعد فی تولہ چاندی 6 ہزار 942 روپے کی ہوگئی۔
10 گرام چاندی کی قیمت میں 120 روپے کا اضافہ ہوا جس کے بعد 10 گرام چاندی 5 ہزار 951 روپے کی ہوگئی۔ عالمی مارکیٹ میں فی اونس چاندی کی قیمت 64.64 ڈالر پر پہنچ گئی
