بولی ووڈ اداکار ٹائیگر شروف پر ممبئی میں مسلح افراد کی جانب سے قاتلانہ حملہ کیا گیا جبکہ واقعے کی ویڈیو بھی سوشل میڈیا پر وائرل ہورہی ہے۔
بھارتی میڈیا رپورٹس کے مطابق ممبئی کے علاقے جوہو میں موٹرسائیکل پر سوار تین مسلح افراد نے ٹائیگر شروف کی گاڑی کو نشانہ بناتے ہوئے فائرنگ کی جس کے نتیجے میں اداکار کے ڈرائیور سمیت 3 افراد زخمی ہوگئے تاہم ٹائیگر شروف محفوظ رہے۔
رپورٹس میں دعویٰ کیا گیا ہے کہ لارنس بشنوئی گینگ نے اس حملے کی ذمہ داری قبول کی ہے۔ گینگسٹر انل پنڈت سے منسوب سوشل میڈیا بیان میں کہا گیا کہ اداکار کو پہلے بھی فون کرکے خبردار کیا گیا تھا لیکن ان کی جانب سے بات نہ ماننے پر یہ قدم اٹھایا گیا۔
#TigerShroff: A video purportedly shows the three assailants firing towards the actor and his car.
Extremely disturbing visuals. Such a relief to know that he is safe. 🙏 https://t.co/v9Inh4frgu
— Bollywood Talkies (@bolly_talkies) October 18, 2026
بیان میں ٹائیگر شروف کو دھمکی دیتے ہوئے کہا گیا کہ اگر انہوں نے سلمان خان کے ساتھ کام کرنا بند نہ کیا تو ان پر حملے جاری رہ سکتے ہیں۔ ممبئی فلم انڈسٹری میں جو بھی ان کی ہدایات نظرانداز کرے گا یا سلمان خان کے ساتھ کام کرے گا وہ اگلا ہدف بن سکتا ہے۔
اطلاعات کے مطابق ٹائیگر شروف جوہو میں واقع ایک کلب میں فٹبال کھیلنے کے بعد واپس جا رہے تھے کہ اسی دوران ان کی گاڑی پر فائرنگ کی گئی۔
View this post on Instagram
واقعے کی اطلاع ملتے ہی ممبئی پولیس اور ایمبولینسیں جائے وقوعہ پر پہنچ گئیں۔ پولیس نے علاقے کو گھیرے میں لے کر حملہ آوروں کی تلاش شروع کردی، جبکہ ملزمان کا سراغ لگانے کے لیے 15 ٹیمیں تشکیل دیے جانے کی اطلاعات ہیں۔
پولیس حکام کے مطابق علاقے میں نصب سی سی ٹی وی کیمروں کی فوٹیج کا جائزہ لیا جا رہا ہے تاکہ حملہ آوروں کی شناخت اور واقعے کے حقائق سامنے لائے جا سکیں۔
