گٹکا، سپاری اور مین پوری کھانے والے جہاں جاتے ہیں، سرخ پچکاری پھینک کر اپنی شناخت چھوڑ جاتے ہیں۔

گٹکے کی پچکاری اب سڑک، محلے ، گھر ، دکان، بس، ریل ، اسپتال اور دیگر مقامات کے بعد اب آسمان کی بلندیوں تک بھی پہنچ گئی ہے۔

اگر اب بھی آپ نہیں سمجھے تو آسان الفاظ میں بتاتے ہیں کہ پڑوسی ملک بھارت میں گٹکے کی پچکاری جہاز تک پہنچ گئی۔

انڈین ایڈمنسٹریٹیو سروس (آئی اے ایس) آفیسر اونیش شرن کی ایک پوسٹ سوشل میڈیا پر کافی تیزی سے وائرل ہوئی ہے ۔

یہ بھی پڑھیں: بالی وُڈ کے سُپر اسٹار اکشے کمار کو گٹکے کے اشتہار میں کام کرنا مہنگا پڑ گیا

انہوں  نے ٹوئٹر پر ہوائی جہاز کے اندر کھڑکی کے ساتھ والی ایک سیٹ کی تصویر شیئر کی اور ساتھ ہی طنزیہ انداز میں لکھا، ’کسی نے اپنی شناخت چھوڑ دی‘۔

अपनी पहचान छोड़ दी किसी ने. pic.twitter.com/xsl68VfhH1

— Awanish Sharan (@AwanishSharan) May 25, 2022

واضح رہےکہ یہ تصویر گزشتہ سال کی ہے لیکن دوبارہ انٹرنیٹ پر گردش کر رہی ہے۔