ملتان: قومی فاسٹ بولر نسیم شاہ آج 20 برس کے ہوگئے ہیں۔

قومی فاسٹ بولر اور پی ایس ایل میں کوئٹہ گلیڈی ایٹرز کے کھلاڑی نسیم شاہ آج 20 برس کے ہوگئے ہیں جن کی سالگرہ کوئٹہ گلیڈی ایٹرز کی مینجمنٹ نے ہوٹل میں منائی۔

📸 | Stills from Naseem Shah's birthday celebrations 🎉#PurpleForce #ShaanePakistan #WeTheGladiators pic.twitter.com/hqEYvYxDhw

— Quetta Gladiators (@TeamQuetta) February 15, 2023

کوئٹہ گلیڈی ایٹرز کے آفیشل ٹوئٹر اکاؤنٹ سے بھی سالگرہ منانے کی تصاویر اور ویڈیو شیئر کی گئی جب کہ ساتھ ہی انہیں سالگرہ کی مبارکباد بھی پیش کی گئی۔

Join us in the birthday celebration of our 🌟 Gladiator @iNaseemShah 🥳#PurpleForce #ShaanePakistan #WeTheGladiators pic.twitter.com/xpzFCiM7FJ

— Quetta Gladiators (@TeamQuetta) February 15, 2023

ویڈیو میں دیکھا جاسکتا ہے کہ نسیم شاہ نے اپنی سالگرہ کا کیک کاٹا اور اپنی ٹیم انتظامیہ کا شکریہ ادا کیا جب کہ تصاویر میں دیکھا جاسکتا ہے کہ انہوں نے افتخار احمد کو کیک کھلایا۔

سالگرہ کی تقریب میں کوئٹہ گلیڈی ایٹرز کے مینجر اعظم خان، ہیڈ کوچ معین خان، کپتان سرفراز احمد، بولنگ کوچ عمر گل، نبیل ہاشمی، غیر ملکی کھلاڑی جیسن رائے کے علاوہ تمام کھلاڑیوں اور آفیشلز نے شرکت کی۔

واضح رہے کہ نسیم شاہ پی ایس ایل 8 میں کوئٹہ گلیڈی ایٹرز کی ٹیم کا حصہ ہیں جب کہ ان کی ٹیم ٹورنامنٹ میں  آج سے آغاز کرے گی۔

کوئٹہ گلیڈی ایٹرز کا مقابلہ آج ملتان اسٹیڈٰیم میں ملتان سلطانز سے ہوگا جو شام 6 بجے شروع ہوگا جب کہ ملتان سلطانز ٹورنامنٹ میں اپنا پہلا میچ جیتنے میں ناکام رہی ہے۔