قومی ٹیم کے وکٹ کیپر و بیٹر محمد رضوان نے سابق کپتان سرفراز احمد کو ٹیسٹ کرکٹ میں 3 ہزار رنز مکمل کرنے پر مبارکباد پیش کی ہے۔
محمد رضوان نے سرفراز احمد کو سراہا اور ملک کے پہلے وکٹ کیپر و بیٹر کے طور پر یہ کارنامہ انجام دینے پر ان کی تعریف کی۔
محمد رضوان نے سماجی رابطے کی سائٹ پر سرفراز احمد کی تصویر شیئر کی اور اپنے خیالات کا اظہار کرتے ہوئے لکھا کہ ’’سیفی بھیا کو ورلڈ ٹیسٹ کرکٹ میں پاکستان کے وکٹ کیپر کیپر بلے باز کے طور پر 3000 رنز مکمل کرنے پر مبارک ہو‘‘۔
Congratulations to Saifi Bhaiyaaaaaaaaaaaaaa on reaching the landmark of 3000 runs as a WK in World Test Cricket for Pakistan 🇵🇰 . May your cricketing career keep flourishing.
One of the finest WK batters Pakistan cricket has produced so far. pic.twitter.com/NJIAhXgWYd
— Muhammad Rizwan (@iMRizwanPak) July 17, 2023
انہوں نے سرفراز احمد کو دعا دیتے ہوئے لکھا کہ آپ کا کرکٹ کا سفر ایسے ہی ترقی کرتا رہے جب کہ انہوں نے سرفراز احمد کو پاکستان کرکٹ کے بہترین وکٹ کیپر بلے بازوں میں سے ایک قرار دیا۔
واضح رہے کہ سرفراز احمد نے یہ سنگ میل سری لنکا کے خلاف گال میں جاری دو میچز کی سیریز کے پہلے ٹیسٹ کی پہلی اننگز کے دوران عبور کیا ہے۔
انہوں نے 51 میچز کی 91 اننگز میں 3 ہزار رنز مکمل کیے ہیں جب کہ سابق کپتان 3 ہزار رنز مکمل کرنے والے 20 ویں پاکستانی بلے باز ہیں۔
علاوہ ازیں انہوں نے اپنے کیریئر میں 21 نصف سنچریاں اور 4 سنچریاں بھی اسکور کی ہیں۔
