سابق انگلش کرکٹر مائیکل وان نے دعویٰ کیا ہے کہ پاکستان سیمی فائنل کے لیے کوالیفائی کرے گا۔
آئی سی سی مینز کرکٹ ورلڈکپ میں آج 32واں میچ جنوبی افریقہ اور نیوزی لینڈ کی ٹیموں کے درمیان کھیلا گیا جس میں جیت جنوبی افریقہ کے نام رہی۔
جنوبی افریقہ نے اس میچ میں بہترین کارکردگی کا مظاہرہ کرتے ہوئے 4 وکٹوں کے نقصان پر 357 رنز اسکور کیے جس کے جواب میں نیوزی لینڈ کی پوری ٹیم 36 ویں اوور میں صرف 167 رنز پر ڈھیر ہوگئی۔
میچ کے اختتام پر سابق انگلش کرکٹر مائیکل وان نے سماجی رابطے کی سائٹ ایکس پر ٹوئٹ کرتے ہوئے بڑا دعویٰ کردیا ہے۔
انہوں نے ٹوئٹ کرتے ہوئے لکھا ’’کولکتہ میں ہونے والا سیمی فائنل میچ پاکستان اور بھارت کے درمیان ہوگا‘‘۔
India v Pakistan Semi in Kolkata anyone .. 😜 #CWC23
— Michael Vaughan (@MichaelVaughan) November 1, 2023
اس سے قبل ٹوئٹ میں انہوں نے لکھا تھا کہ ’’پاکستان ورلڈکپ سیمی فائنل کی دوڑ میں دوبارہ شامل ہوگیا ہے‘‘۔
Pakistan are back in the race for the semis … #Pakistan #CWC23
— Michael Vaughan (@MichaelVaughan) November 1, 2023
واضح رہے کہ پوائنٹس ٹیبل پر قومی ٹیم 6 پوائنٹس کے ساتھ پانچویں نمبر پر موجود ہے جب کہ نیوزی لینڈ 8 پوائنٹس کے ساتھ چوتھے نمبر پر ہے۔
ورلڈکپ میں پاکستان کا اگلا مقابلہ نیوزی لینڈ سے ہوگا جو 4 نومبر کو بنگلورو میں کھیلا جائے گا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
