سابق بھارتی بلے باز وریندر سہواگ نے ورلڈکپ میں پاکستان ٹیم کی پرفارمنس پر تنقید کا نشانہ بنایا ہے۔

آئی سی سی مینز کرکٹ ورلڈکپ 2023 بھارت میں جاری جس کا گروپ مرحلہ اپنے اختتام کو پہنچنے والا ہے جس کے بعد ٹاپ فور ٹیمیں سیمی فائنل میں ٹکرائیں گی۔

ورلڈکپ سے باہر ہونے کے دہانے پر کھڑی پاکستان ٹیم پر سابق بھارتی بلے باز وریندر سہواگ نے تنقید کی اور ’’بائے بائے پاکستان‘‘ کی تصویر شیئر کی۔

Pakistan Zindabhaag!
Have a safe flight back home . pic.twitter.com/7QKbLTE5NY

— Virrender Sehwag (@virendersehwag) November 10, 2023

انہوں نے سماجی رابطے کی سائٹ ایکس پر لکھا ’’پاکستان زندہ بھاگ، واپس گھر کی فلائٹ محفوظ ہو‘‘۔

یاد رہے کہ بھارت، جنوبی افریقہ اور آسٹریلیا پہلے ہی سیمی فائنل کے لیے کوالیفائی کرچکے ہیں جب کہ چوتھی پوزیشن کا فیصلہ کل پاکستان اور انگلینڈ کے درمیان میچ کے بعد ہوگا۔

پاکستان کا سیمی فائنل میں کوالیفائی کرنا انتہائی مشکل نظر آرہا ہے کیونکہ نیوزی لینڈ 10 پوائنٹس کے ساتھ چوتھے نمبر پر موجود ہے جب کہ ان کا رن ریٹ بھی پاکستان سے بہتر ہے۔

پاکستان ٹیم اس وقت 8 پوائنٹس کے ساتھ پانچویں نمبر پر موجود ہے جب کہ سیمی فائنل میں کوالیفائی کے لیے قومی ٹیم کو اپنا اگلا میچ بڑے مارجن سے جیتنا ہوگا جو کہ مشکل نظر آرہا ہے۔

پاکستان کی سیمی فائنل میں رسائی اس وقت ہی ممکن ہوگی جب قومی ٹیم انگلینڈ کو 287 رنز سے شکست دے یا پھر ان کا دیا ہوا ہدف 2.4 اوورز میں مکمل کرلے۔