آئی سی سی ون ڈے ورلڈ کپ 2023 کے 44 ویں میچ میں انگلینڈ نے پاکستان کو 93 رنز سے شکست دے دی، جس کے بعد پاکستان کا ورلڈ کپ میں سفر اپنے اختتام کو پہنچا۔
تفصیلات کے مطابق آئی سی سی ون ڈے ورلڈ کپ 2023 کے 44 میچ میں گرین شرٹس انگلینڈ کے 337 رنز کے ہدف کے تعاقب میں 43.3 اوورز میں 244 رنز بنا کر آؤٹ ہو گئی۔
آئی سی سی مینز کرکٹ ورلڈکپ کا 44واں میچ پاکستان اور انگلینڈ کی ٹیموں کے درمیان کولکتہ کے ایڈن گارڈن میں کھیلا گیا تھا۔
Nothing less than a huge win will do for Pakistan.
Jos Buttler has won the toss – England will bat first at Eden Gardens#ENGvPAK #CWC23
— ESPNcricinfo (@ESPNcricinfo) November 11, 2023
انگلینڈ نے ٹاس جیت کر پہلے بیٹنگ کرنے کا فیصلہ کیا جو درست ثابت ہوا جب کہ انگلینڈ نے مقررہ 50 اوورز میں 9 وکٹوں کے نقصان پر 337 رنز اسکور کیے۔
Bairstow, Stokes and Root fifties lead England to a strong total in Kolkata 💪
Pakistan would need to chase it in 6.4 overs to reach the semi-finals 😬https://t.co/bOHJ57tS3F | #ENGvPAK | #CWC23 pic.twitter.com/V9YYoPUBcN
— Cricinfo (@cricinfo) November 11, 2023
پاکستان کی بیٹنگ
ہدف کے تعاقب میں پاکستان کی پوری ٹیم 244 رنز پر آؤٹ ہو گئی، کپتان بابر اعظم 38، فخرزمان 1، عبداللہ شفیق صفر اور محمد رضوان 36 رنز بناکر آؤٹ ہوئے۔
https://twitter.com/ESPNcricinfo/status/1723354906080272386
سعود شکیل 29 رنز ہی بناسکے، افتخار احمد 3 اور شاداب خان 4 رنز کے مہمان ثابت ہوئے جب کہ آغا سلمان 51 اور شاہین آفریدی 25 رنز بنا کر آؤٹ ہوئے۔ حارث رؤف نے 35 اور محمد وسیم نے 16 رنز بنائے۔
انگلینڈ کی بیٹنگ
انگلش بلے باز ابتدا ہی سے پر اعتماد دکھائی دیے جب کہ اوپپنگ بلے بازوں نے 81 رنز کی شاندار اننگز کھیلی جس کے بعد ڈیوڈ ملان 31 رنز بناکر افتخار احمد کی گیند کا شکار ہوئے۔
جونی بیرسٹو نصف سنچری کی بدولت 59 رنز بناکر آؤٹ ہوئے جب کہ بین اسٹوکس نے 84 رنز کی عمدہ اننگز کھیلی اور جوئے روٹ 60 رن بناکر آؤٹ ہوئے۔
Shaheen Afridi ends another fine innings from Ben Stokes 💥https://t.co/bOHJ57tS3F | #ENGvPAK | #CWC23 pic.twitter.com/XfqfxTo68c
— Cricinfo (@cricinfo) November 11, 2023
علاوہ ازیں کپتان جوز بٹلر 27 رنز بناکر رن آؤٹ ہوئے جب کہ ہیری بروک نے 30 رنز کی اننگز کھیلی، معین علی 8 اور ڈیوڈ ولی 15 رنز بناسکے۔
پاکستان کی جانب سے حارث رؤف نے 3 کھلاڑیوں کو آؤٹ کیا جب کہ شاہین آفریدی اور وسیم جونیئر نے 2،2 وکٹیں حاصل کیں اور افتخار احمد 1 وکٹ لینے میں کامیاب رہے۔
اس سے قبل ٹاس کے موقع پر انگلینڈ کے کپتان جوز بٹلر کا کہنا تھا کہ لیگ کے آخری میچ میں کامیابی سمیٹ کر ٹورنامنٹ کا اختتام جیت کے ساتھ کرنا چاہتے ہیں۔
اس موقع پر قومی ٹیم کے کپتان بابراعظم نے کہا کہ ٹاس جیت کر پہلے بیٹنگ کرتے تاکہ نیٹ ریٹ بہتر کرکے تاریخ رقم کرسکیں لیکن کوشش کریں گے میچ میں کامیابی سمیٹیں۔
واضح رہے کہ قومی ٹیم میں آج ایک تبدیلی کی گئی ہے اور حسن علی کی جگہ شاداب خان کو ٹیم میں شامل کیا گیا ہے۔
پاکستان پلیئنگ الیون
کپتان کی فرائض بابراعظم انجام دیں گے جب کہ دیگر اسکواڈ میں عبداللہ شفیق، فخر زمان، محمد رضوان (وکٹ کیپر)، سعود شکیل، افتخار احمد، شاداب خان، آغا سلمان، شاہین آفریدی، محمد وسیم جونئیر اور حارث رؤف شامل ہیں۔
🚨 TOSS & PLAYING XI 🚨
England win the toss and elect to bat first 🏏
One change to our team for today 👇#CWC23 | #DattKePakistani pic.twitter.com/wAFRvqTYbk
— Pakistan Cricket (@TheRealPCB) November 11, 2023
انگلینڈ پلیئنگ الیون
جوز بٹلر (کپتان و وکٹ کیپر)، جونی بیرسٹو، ڈیوڈ ملان، جو روٹ، بین اسٹوکس، مارک ووڈ، ڈیوڈ ولی، لیام لیونگسٹن، معین علی، کرس ووکس اور عادل رشید۔
