انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ 2024 کا لوگو جاری کردیا ہے۔
انٹرنیشنل کرکٹ کونسل نے ٹی ٹوئنٹی ورلڈکپ 2024 کا بالکل نیا لوگو جاری کیا ہے جس میں کرکٹ کی مشہور علامتیں بلے اور گیند کے ساتھ انرجی دکھائی گئی ہے۔
Created from the three things that define T20I cricket – Bat, Ball, and Energy! 🤩
A striking new look for the ICC T20 World Cup 🏆 💥 ⚡️#T20WorldCup pic.twitter.com/YSRlBZ11C8
— T20 World Cup (@T20WorldCup) December 7, 2023
آئی سی سی ٹی ٹوئنٹی ورلڈکپ کے آفیشل اکاؤنٹ سے ایک ویڈیو جاری کی گئی ہے جس میں میزبان امریکا اور ویسٹ انڈیز کو خراج تحسین پیش کرنے کے لیے کھجور اور اسٹرایپس کو دکھایا گیا ہے۔
آئی سی سی کے مارکیٹنگ اور مواصلات کے جنرل مینجر کلیئر فرلانگ کہتے ہیں ’’آئی سی سی مینز اور ویمنز ٹی ٹوئنٹی ورلڈکپ عالمی سطح پر کرکٹ کے شائقین کو بہترین تجربہ فراہم کرنے کا وعدہ کرتا ہے‘‘۔
انہوں نے کہا ’’ہم امید کرتے ہیں کہ دیکھنے والے کو یہ تبدیلی پسند آئے گی اور برانڈ میں مخصوص چیزوں کی شمولیت میزبانوں کو ایونٹ کی شکل و صورت میں ایک منفرد عنصر فراہم کرے گی‘‘۔
ان کا کہنا تھا ’’ہم بے حد پرجوش ہیں، ویسٹ انڈیز اور امریکا میں ہونے والے آئی سی سی مینز ٹی ٹوئنٹی ورلڈکپ کی تیاری کے لیے ہمارے پاس ابھی چھ باقی ہیں‘‘۔
یہ بھی پڑھیں: ڈومینیکا ٹی ٹوئنٹی ورلڈکپ کے میچز کی میزبانی سے دستبردار
کلیئر فرلانگ کا مزید کہنا تھا ’’شائقین اب ورلڈ کپ کی معلومات اور ٹکٹ کی خبریں حاصل کرنے کے لیے اپنی دلچسپی کا اندراج کرسکتے ہیں‘‘۔
واضح رہے کہ آئی سی سی مینز ٹی ٹوئنٹی ورلڈکپ 2024 4 سے 30 جون 2024 تک ویسٹ انڈیز اور امریکا میں کھیلا جائے گا۔
