قومی فاسٹ بولر حسن علی کے منفرد آٹو گراف دینے کی تصویر سوشل میڈیا پر وائرل ہوگئی۔
پاکستان اور آسٹریلیا کی ٹیموں کے درمیان تین ٹیسٹ میچز پر مشتمل سیریز کھیلی جارہی ہے جس کا دوسرا ٹیسٹ بھی آسٹریلیا کے نام رہا جب کہ آسٹریلیا نے سیریز میں 2-0 سے فیصلہ کن برتری حاصل کرلی۔
قومی فاسٹ بولر حسن علی آسٹریلیا کے خلاف دوسرے ٹیسٹ میں بھی کوئی خاطر خواہ پرفارمنس تو نہ دکھاسکے لیکن اپنی حرکتوں کی وجہ سے مسلسل خبروں کی زینت میں رہے۔
حسن علی میچ کے دوران اپنے دلچسپ انداز اور شرارتوں کے باعث شائقین کرکٹ کی توجہ کا مرکز رہے جب کہ گذشتہ روز ان کی دوران فیلڈنگ شائقین کے ساتھ جم کرنے کی ویڈیو بھی وائرل ہوئی۔
Get your body moving with Hasan Ali! #AUSvPAK pic.twitter.com/8Y0ltpInXx
— cricket.com.au (@cricketcomau) December 28, 2023
حال ہی میں آئی سی سی کے آفئشل اکاؤنٹ سے حسن علی کے منفرد انداز میں آٹوگراف دینے کی تصویر شیئر کی گئی جو دیکھتے ہی دیکھتے وائرل ہوگئی جب کہ کئی صارفین کی جانب سے اس پر دلچسپ تبصرہ بھی سامنے آیا۔
Autograph anyone? 🖊️ 🤭#WTC25 | #AUSvPAK pic.twitter.com/X741Ws9GIS
— ICC (@ICC) December 28, 2023
تصویر میں دیکھا جاسکتا ہے کہ دوران فیلڈنگ باؤنڈری لائن پر موجود حسن علی پہلی صف میں بیٹھے ایک پرستار کو ماتھے پر آٹو گراف دے رہے ہیں۔
