نااہلی کی مدت 5 سال کرنے کا قانون سیکشن 232 لاہور ہائیکورٹ میں چیلنج کردیا گیا۔
میاں شبیراسماعیل ایڈوکیٹ نے اظہر صدیق ایڈووکیٹ کی وساطت نے درخواست دائر کی گئی۔ درخواست میں وفاقی حکومت، الیکشن کمیشن، چیئرمین سینٹ سمیت دیگر کو فریق بنایا گیا ہے۔
درخواست میں مؤقف اپنایا گیا کہ 5 سال کی نااہلی کی مدت کا تعین خلاف قانون کیا گیا، پارلیمنٹ کے پاس اختیار نہیں تھا کہ وہ سادہ اکثریت سے قانون سازی کرتی، نااہلی کی مدت پانچ سال کرنے کا قانون سیکشن 232 آرٹیکل 62 ون ایف کی خلاف ورزی کی گئی ہے۔
دائردرخواست میں کہا گیا کہ پارلیمان اہلیت کے معیارکو 5 سال نااہلی نہیں کرسکتی، استدعا ہے کہ عدالت نااہلی کی مدت 5 سال کرنے کے اقدام کو آئین سے متصادم قراردیا جائے۔
