قومی کرکٹ ٹیم کے فاسٹ بولر  عباس آفریدی نیوزی لینڈ کے خلاف تیسرے ٹی ٹوئنٹی سے باہر ہوگئے۔

پاکستان کرکٹ بورڈ(پی سی بی) کی جانب سے جاری کردہ پریس ریلیز میں کہا گیا ہے کہ  عباس آفریدی پٹھوں میں تکلیف کی وجہ سے نیوزی لینڈ کے خلاف تیسرے ٹی ٹوئنٹی  میچ سے باہر ہو گئے ہیں۔

ان کے  اسکین میں کوئی خاص چوٹ کا نشان نہیں نظر آیا لہٰذا ان کا علاج علامتی طور پر کیا جائے گا۔

آخری دو میچز کے لیے ان کی دستیابی کا فیصلہ بعد  میں کیا جائے گا۔

Abbas Afridi ruled out of the third T20I against New Zealand

Details here ➡️ https://t.co/1iGhI6kYAm#NZvPAK

— PCB Media (@TheRealPCBMedia) January 16, 2024

پاکستان اور نیوزی لینڈکے درمیان تیسرا ٹی ٹوئنٹی میچ کل ڈونیڈن میں کھیلا جائے گا۔چوتھے اور پانچویں ٹی ٹوئنٹی میچ بالترتیب 19 اور 21 جنوری کو کرائسٹ چرچ میں کھیلے جائیں گے۔

واضح رہے کہ نیوزی لینڈ کو پانچ ٹی ٹوئنٹی  میچز کی سیریز میں 0-2 کی برتری حاصل ہے۔