دبئی ایئرپورٹ کے رن وے سے ایک ساتھ کئی آئرن مین نے گرجدار آواز کے ساتھ فولادی سوٹ کے ساتھ اڑان بھری اور ایک خوبصورت سماں باندھ دیا۔
دبئی میں منعقد ہونے والی دنیا کی یہ پہلی جیٹ سوٹ ریس تھی جس میں ماہر پائلٹ نے حصہ لیا۔ اس ریس میں آئرن مین جیسے جیٹ سوٹ کو ہاتھوں سے کنٹرول کرتے ہوئے ایئرپورٹ سے فضائی پرواز شروع ہوئی اور بلند عمارات سے ہوتی ہوئی دبئی مارینا پر ختم ہوگئی۔
واضح رہے کہ آئرن مین کا تصور پہلے ایک کامک بک میں پیش کیا گیا تھا ۔ پھراس پر فلم بنائی گئی جس میں رابرٹ ڈونی جونیئر نے ہیرو کا کردار ادا کیا تھا۔ اس مقابلے میں تمام شرکا نے عین آئرن مین کا لباس پہنا ہوا تھا۔
•••
بحضور سمو الشيخ حمدان بن محمد بن راشد آل مكتوم، ولي عهد دبي، رئيس المجلس التنفيذي لإمارة دبي، اقيمت منافسات بطولة دبي للبدلات النفاثة، الأولى من نوعها على مستوى العالم للطيران بدون طائرة وباستخدام بدلات ذات محركات نفاثة pic.twitter.com/YnOTw27n17— Dubai Sports Council (@DubaiSC) February 28, 2024
اس مقابلے کے روح رواں وار چیف ٹیسٹ پائلٹ رچرڈ براوننگ نے کہا ہے کہ یہ ایک خواب کی تعبیر ہے جس میں آپ سوچ کے ساتھ پرواز کرسکتے ہیں۔ ان کی کمپنی گریوٹی کارپوریشن اس سے قبل برطانیہ میں بھی اپنے فن کا مظاہرہ کرچکی ہے۔ تاہم یہ کمپنی عسکری مقاصد کے لیے جیٹ سوٹ تیار کرتی ہے۔
