بھارت کے معروف اداکارامیتابھ بچن بھی اداکار نوازالدین صدیقی کی صلاحیتوں کے معترف ہیں۔
بالی ووڈ کی فلم تین کی ریلیز سے قبل ایک انٹرویو کے دوران معروف اداکار امیتابھ بچن سے اداکار نواز الدین صدیقی کے بارے میں پوچھا گیا کہ وہ کسان ہونے کے باوجود کیسے متاثر کن صلاحیت کے حامل اور قابل احترام اداکار بن گئے؟
سوال کے جواب میں بالی ووڈ کے شہنشاہ امیتابھ بچن کا کہنا تھا کہ ’نوازالدین کی کہانی متاثر کن ہے، اس کی وجہ یہ ہے کہ ان کی بے پناہ صلاحیت اور محنت کی وجہ سے وہ اس کے حق دار تھے‘۔
View this post on Instagram
انہوں نے کہا تھا کہ ’ایک اور وجہ ان کی پرفارمنس میں پائی جانے والی سادگی ہے اور یہی وہ ٹاسک ہے جو کسی اور اداکار کے لیے کافی مشکل ہوگا‘۔
View this post on Instagram
امیتابھ بچن کا کہنا تھا کہ “آپ کسی کی صلاحیت کی جانچ اس کے کسان ہونے کی بنیاد پر نہیں کرسکتے۔ یہ سوال ہی غلط ہے، اس کا تو مطلب یہ ہوا کہ کسان اچھا تفریح و طبع فراہم کرنے والا نہیں بن سکتا‘۔
View this post on Instagram
واضح رہے کہ نوازالدین صدیقی نے بین الاقوامی طور پر مشہور فلم “گینگز آف واسع پور “(2012) اور “دی لنچ بکس” (2013) سے شہرت حاصل کی۔
اس کے علاوہ اتر پردیش میں پیدا ہونے والے نوازالدین اپنے گاؤں کے پہلے کیمسٹری گریجویٹ ہونے کا اعزاز بھی رکھتے ہیں۔
