بھارت کے معروف گلوکار سونو نگم پر کنسرٹ کے دوران حملہ ہوا جس کے باعث وہ زخمی ہو گئے۔

بھارتی میڈیا کے مطابق ممبئی کے علاقے چیمبور میں کنسرٹ کے دوران شیوسینا کے ریاستی اسمبلی کے رکن پرکاش پھاترپیکر کے بیٹے نے ساتھیوں کے ساتھ مل کر گلوکار سونو نگم پر حملہ کیا۔

واقعے کی ویڈیو سوشل میڈیا پر وائرل ہو گئی ہے جس میں سونو نگم کے ساتھ کچھ لوگوں لڑتے اور زخمی ہوتے دیکھا جا سکتا ہے۔

#SonuNigam attacked by Uddhav Thackeray MLA Prakash Phaterpekar son and his goons in music event at Chembur. Sonu has been taken to the hospital nearby. pic.twitter.com/ERjIC96Ytv

— Swathi Bellam (@BellamSwathi) February 20, 2023

   میڈیا کا کہنا ہے کہ کنسرٹ کے دوران مقامی رکن اسمبلی کے بیٹے نے سونو نگم سے ملنے کی کوشش کی جس پر ان کے باڈی گارڈز نے روکا تو معاملہ ہاتھا پائی تک پہنچ گیا۔

ہاتھا پائی کے دوران سونو نگم اور ان کے ایک ساتھی کو چوٹیں آئیں اور انہیں مقامی اسپتال منتقل کردیا گیا۔

دوسری جانب پولیس کا کہنا ہے کہ واقعے میں کچھ افراد کے زخمی ہونے کی اطلاعات ہیں تاہم اب تک کسی نے واقعے کا مقدمہ درج نہیں کرایا ہے۔