پاکستان نے نیوزی لینڈ کے خلاف تیسرے ٹی ٹوئنٹی میچ کے لیے  پلیئنگ الیون کا اعلان کردیا۔

پاکستان کرکٹ بورڈ (پی سی بی) کی جانب سے جاری کردہ تفصیلات کے مطابق تیسرے میچ کےلیے پلیئنگ الیون میں تین تبدیلیاں کی گئی ہیں۔

اسامہ میر کی جگہ محمد نواز ، عامر جمال کی جگہ محمد وسیم جونیئر اور انجرڈ عباس آفریدی کی جگہ زمان خان کو ٹیم میں شامل کیا گیا ہے۔

پلیئنگ الیون:

محمد رضوان، صائم ایوب، بابر اعظم، فخر زمان، افتخار احمد، اعظم خان (وکٹ کیپر)، محمد نواز، شاہین شاہ آفریدی (کپتان)، محمد وسیم جونیئر، حارث رؤف، زمان خان

🚨 Pakistan's playing XI for the third T20I 🚨#NZvPAK | #BackTheBoysInGreen pic.twitter.com/eMkUcP1l1L

— Pakistan Cricket (@TheRealPCB) January 16, 2024

پاکستان اور نیوزی لینڈکے درمیان تیسرا ٹی ٹوئنٹی میچ کل ڈونیڈن میں کھیلا جائے گا۔چوتھے اور پانچویں ٹی ٹوئنٹی میچ بالترتیب 19 اور 21 جنوری کو کرائسٹ چرچ میں کھیلے جائیں گے۔

واضح رہے کہ نیوزی لینڈ کو پانچ ٹی ٹوئنٹی  میچز کی سیریز میں 0-2 کی برتری حاصل ہے۔