انگلینڈ کرکٹ ٹیم کے لیجنڈری اسپنر ڈیرک انڈرووڈ 78 سال کی عمر میں انتقال کرگئے۔
تفصیلات کے مطابق آئی سی سی ہال آف فیم میں شامل ڈیرک انڈرووڈ نے 1966 سے 1982 کے درمیان 15 سال پر محیط بین الاقوامی کیریئر میں 86 ٹیسٹ میچز میں 297 وکٹیں حاصل کیں۔
انہیں انگلینڈ کی جانب سے سب سے زیادہ ٹیسٹ وکٹیں حاصل کرنے والے اسپنر ہونے کا اعزاز حاصل ہے۔
انہوں نے 26 ایک روزہ میچز بھی کھیلے جس میں انہوں نے 26 وکٹیں اپنے نام کیں۔
ڈیرک انڈرووڈ نے 676 فرسٹ کلاس میچز میں2465 وکٹیں حاصل کیں جبکہ 411 لسٹ-اے میچز میں 572 وکٹیں حاصل کیں۔
ڈیرک انڈرووڈ تکنیکی لحاظ سے بڑے شاندار بولر تھے اور انہوں نے اپنے پورے کیریئر میں ایک بھی وائیڈ بال نہیں کرائی۔
