کولن منرو نے باضابطہ طور پر بین الاقوامی کرکٹ سے ریٹائرمنٹ کا اعلان  کردیا۔

تفصیلات کے مطابق  نیوزی لینڈ کے جارح مزاج اوپننگ بلے باز کولن منرو نے ٹی ٹوئنٹی ورلڈکپ 2024 کے اسکواڈ میں منتخب نہ ہونے پر انٹرنیشنل کرکٹ سے ریٹائرمنٹ لے لی۔

منرو نے 2020 سے نیوزی لینڈ کے لیے کوئی انٹرنیشنل میچ نہ کھیلنے کے باوجود خود کو ٹی ٹوئنٹی ورلڈ کپ کے لیے دستیاب قرار دیا تھا اور وہ  سلیکشن کمیٹی کے زیر غور  بھی تھے۔

News | Colin Munro has announced his retirement from international cricket, officially calling time on an international career that spanned 123 matches. #CricketNationhttps://t.co/zl6sSl3w3n

— BLACKCAPS (@BLACKCAPS) May 9, 2024

 نیوزی لینڈ کے کوچ گرے اسٹیڈ نے تصدیق کی  تھی کہ ٹیم کا اعلان کرنے سے قبل سلیکشن کمیٹی نے منرو سے متعلق سوچا تھا لیکن  تجربہ کار بلے باز کے لیے ٹیم میں جگہ نہیں  بن پائی۔

کولن منرو نے مجموعی طور پر  123 انٹرنیشنل میچز (65 ٹی ٹوئنٹی، 57 ون ڈے اور ایک ٹیسٹ میچ) میں نیوزی لینڈ کی نمائندگی  اور مجموعی طور پر تین ہزار  سے زائد انٹرنیشنل رنز بنائے۔