امریکی ویزا کے حامل پاکستانیوں کو انٹرویو سے چُھوٹ میں توسیع کردی گئی۔
تفصیلات کے مطابق امریکی سفارتخانہ و امریکی قونصلیٹ کراچی نے امریکی ویزوں کی تجدید کے لیے پاکستانیوں کی اہلیت میں مزید توسیع کر دی ۔
ترجمان امریکی سفارتخانہ کا کہنا ہے کہ توسیع امریکی بی ون بی ٹو سیاحتی اور کاروباری ویزوں کی تجدید کے لیے پاکستانیوں کی اہلیت میں کی گئی۔
مزید پڑھیں: سفیر کی تعیناتی سے پاک امریکہ تعلقات میں مزید بہتری آئے گی، امریکی سفارتخانہ
ترجمان امریکی سفارتخانہ کا کہنا ہے کہ وہ پاکستانی جن کے پاس امریکہ کا درست اورقابل قبول بی ون بی ٹو ویزا موجود ہے اس پروگرام میں شرکت کے اہل ہیں۔ وہ پاکستانی جن کے درست اور قابل قبول بی ون بی ٹو ویزے کی مدت گزشتہ 48 مہینوں کے دوران ختم ہو گئی ہے تو وہ بھی اہل ہیں۔
ترجمان امریکی سفارتخانہ مزید کہنا ہے کہ ماضی میں صرف 45 برس یا اس سے زیادہ عمر کے پاکستانی شہری اس پروگرام سے مستفید ہوسکتے تھے۔
Planning to renew your B1/B2 visa for the U.S.? Pakistani citizens of all ages whose B1/B2 visas are valid or have expired within the last 48 months are now eligible for interview waivers at @usembislamabad & @usconsulatekhi More here: https://t.co/Q15vYG4dNz
— U.S. Embassy Islamabad (@usembislamabad) January 12, 2023
ترجمان امریکی سفارتخانہ کے مطابق اسٹوڈنٹ ویزا اور پٹیشن کی بنیاد پر کام کے ویزا کے ایسے درخواست گزار جن کے پاس پہلے امریکی ویزا موجود تھا وہ بھی ویزا انٹرویو سے استثنیٰ کے اہل ہوں گے۔ اُن کے لیے یہ سہولت 2023 میں بھی جاری رہے گی۔
مزید پڑھیں: طلبہ کیلئے امریکی ویزا سروس بحال کرنے کا اعلان
ترجمان امریکی سفارتخانہ کا کہنا ہے کہ ویزا انٹرویو سے استثنیٰ میں توسیع کا مقصد صارفین کے لیے خدمات کی فراہمی میں بہتری ہے۔ اس کا ایک اور مقصد اہل پاکستانی شہریوں کے سیاحتی اور کاروباری ویزوں کی تجدید کے عمل کو مؤثر بنانا ہے۔
ترجمان امریکی سفارتخانہ کا مزید کہنا ہے کہ ویزا رکھنے والے بعض اہل شہریوں کو درخواست جمع کرانے کے بعد امریکی قانون کے تقاضوں کے تحت امریکی سفارتخانہ یا قونصل خانہ میں انٹرویو کے لیے پیش ہونا پڑ سکتا ہے۔ درخواست گزار ویزا انٹرویو سے استثنیٰ کی اہلیت کے تعین کے لیے سفارت خانے کی ویب سائٹ ملاحظہ کر سکتے ہیں۔
ترجمان امریکی سفارتخانہ کا کہنا ہے کہ ایسے امیدوار جن کو اب استثنیٰ حاصل ہے مگر جو پہلے ہی انٹرویو کے لیے تاریخ متعین کر چکے ہیں انہیں چاہیے کہ وہ آن لائن اپنی پیشگی اپائنٹمنٹ منسوخ کروائیں۔ یہ امیدوار ازسر نو نئی درخواست سے ابتدا کرتے ہوئے انٹرویو سے استثنیٰ کے آن لائن مراحل پر عمل کریں۔
ترجمان امریکی سفارتخانہ کا کہنا ہے کہ انٹرویو سے مستثنیٰ درخواستوں کے سلسلے میں مجاز کوریئر سروسز کی فہرستیں موجود ہیں۔ ویزوں کی تجدید کے عمل کی تکمیل میں اوسطاً چار ہفتے لگ سکتے ہیں۔
