بیمار ماں کیلئے کھانا تیار کرنے والے ننھے بچے کی پوسٹ وائرل ہوگئی۔

سماجی رابطے کی ویب سائٹ ٹو ئٹر پر ایک ایسے بچے کی پوسٹ وائرل ہورہی ہے جس میں ماں کے لیے پیار، خیال اور لگاؤ کا اظہار واضح طور پر دکھائی دے رہا ہے۔

ایرن ریڈ نامی ایک خاتون نے ٹویٹر پر 2 تصاویر پوسٹ کیں اور لکھا کہ وہ کووڈ 19 کا شکار ہو کر کمرے میں بند ہیں اور ایسے میں ان کے چھوٹے بچے نے ان کے لیے کھانا تیار کیا ہے۔

Y’all I am sick with Covid and look what my son made for me and left on the table right outside my bedroom door 😭 pic.twitter.com/MotOlsZoA4

— Erin Reed (@ErinInTheMorn) February 18, 2023

بچے نے ایک پیالے میں سلاد کے پتے اور پاستہ کے چند ٹکڑے ڈال کر کانٹے کے ساتھ ماں کے لیے رکھا ہے۔

  یہ بھی پڑھیں: ماں اور بیٹے کا کھیل میں مقابلہ، جیت کس کی ہوئی؟

بچے نے ساتھ میں ایک نوٹ بھی لکھا ہے جس میں تحریر ہے کہ یہ میں نے آپ کے لیے بنایا ہے، یہ بالکل بھی پرفیکٹ نہیں اور اس کے لیے میں آپ سے معذرت خواہ ہوں۔

بچے نے نوٹ اور کھانے کا پیالہ ماں کے کمرے کے سامنے میز پر رکھ دیا۔