نیوزی لینڈ کے خلاف دوسرے ٹیسٹ میں امپائر نے قومی وکٹ کیپر و بیٹر سرفراز احمد کا آؤٹ دیا جس پر صارفین کی جانب سے امپائر کو تنقید کا نشانہ بنایا جارہا ہے۔
پاکستان اور نیوزی لینڈ کی ٹیموں کے درمیان کراچی کے نیشنل بینک کرکٹ ایرینا میں دوسرا ٹیسٹ میچ جاری ہے جس کے تیسرے دن کا کھیل آج ختم ہوگیا ہے۔
تیسرے دن کے کھیل کے اختتام تک پاکستان نے پہلی اننگز میں 9 وکٹوں کے نقصان پر 407 رنز بنالیے ہیں جب کہ اسکور برابر کرنے کے لیے اب بھی 42 رنز درکار ہیں۔ نیوزی لینڈ نے پہلی اننگز میں 449 رنز بنائے تھے۔
آج چائے کے وقفے سے قبل امپائر نے قومی ٹیم کے وکٹ کیپر و بیٹر سرفراز احمد کا غلط اسٹمپنگ آؤٹ دیا جس کے بعد سرفراز 78 رنز بناکر پویلین لوٹ گئے۔
یہ بھی پڑھیں: سرفراز احمد نے کراچی ٹیسٹ کے دوران ریکارڈ بنا ڈالا
سرفراز احمد نے نیوزی لینڈ کے بولر ڈیرل مچل کی تیسری گیند کو آگے نکل کر کھیلنے کی کوشش کی جس پر کیپر سے اسٹمپنگ کردیا جس کے بعد فیصلہ تھرڈ امپائر کے پاس چلے گیا۔
امپائر نے بار بار ری پلے دیکھنے کے بعد آؤٹ قرار دیا جب کہ سرفراز احمد کی ٹانگ کریز کے اندر موجود تھی جس پر صارفین آگ بگولہ ہوگئے اور امپائر کو تنقید کا نشانہ بنانا شروع کردیا۔
سوشل میڈیا صارف حسن صدیقی کہتے ہیں ’ایک اور غلطی اور امپائر کا غلط فیصلہ، سرفراز احمد کو آؤٹ قرار دیا جب کہ ان کا پاؤں کریز پر موجود تھا‘۔
Another blunder and a bad decision by Umpire.
Sarfaraz Ahmed was given out even his foot was in the crease.
That's not a great umpiring by PCB. Always when umpire is in doubt , the decision stands in Batsman favor.
Extremely Unfortunate. #PakVsNz#SarfarazAhmed pic.twitter.com/ZffOWUPQM6
— Hassan Siddiqui (@Hassandude7) January 4, 2023
انہوں نے لکھا کہ ’پی سی بی کی جانب سے یہ کوئی اچھی امپائرنگ نہیں ہے، ہمیشہ جب بھی امپائر کو شک ہوتا ہے تو فیصلہ بلے باز کے حق میں جاتا ہے‘۔
فرید خان کہتے ہیں ’یہ کیسے آؤٹ ہوسکتا ہے، یار؟ سرفراز احمد بہت بدقسمت ہیں‘۔
How is this out, man? Sarfaraz Ahmed is so unlucky 😔 #PAKvNZ
— Farid Khan (@_FaridKhan) January 4, 2023
عظٰم صدیقی تھرڈ امپائر پر تنقید کرتے ہوئے لکھتے ہیں ’عظیم صدیقی کا کتنا غلط فیصلہ ہے، بس اپنی آنکھوں پر یقین نہیں آتا‘ جب کہ انہوں نے امپائر کے فیصلے کو مضحکہ خیز قرار دیا۔
What a horrible decision by Ahsan Raza. Just can't believe my eyes. Ridiculous decision from the umpire #PAKvNZL #CricketTwitter
— Azeem Siddiqui (@aze3msiddiqui) January 4, 2023
