پاکستان شاہینز نے ٹاپ اینڈ ٹی ٹوئنٹی سیریز میں اے سی ٹی کامٹز کو نو وکٹوں سے شکست دے کر پہلی فتح اپنے نام کرلی ہے۔
پاکستان شاہینز نے اوپنر شمائل حسین کی نصف سنچری کی بدولت آج ٹاپ اینڈ ٹی ٹوئنٹی سیریز میں اے سی ٹی کامٹز کو نو وکٹوں سے شکست دے دی ہے۔
بائیں ہاتھ کے بلے باز شمائل حسین نے 9 چوکے لگاکر 44 گیندوں پر 57 رنز اسکور کیے جس کی وجہ سے پاکستان شاہینز نے 123 رنز کا ہدف 15.2 اوورز میں حاصل کرلیا۔
یہ بھی پڑھیں: بابر اعظم کی پاکستان شاہینز کے کھلاڑیوں کو اہم نصیحت
انہوں نے باسط علی کے ساتھ 66 رنز کی شراکت قائم کی جب کہ باسط علی 27 گیندوں پر دو چوکوں اور ایک چھکے کی مدد سے 28 رنز بناکر آؤٹ ہوئے۔
Pakistan Shaheens defeat ACT Comets by nine wickets in their second match of the Top End T20 series.
Shamyl Hussain top-scored with 57 not out as Shaheens chased the 123-run target in 15.2 overs 🏏 pic.twitter.com/fJ59HbTYHX
— Pakistan Cricket (@TheRealPCB) July 31, 2023
بعد ازاں کپتان روحیل نذیر نے ان کا بھرپور ساتھ دیا اور 21 گیندوں پر 4 چوکوں اور 1 چھکے کی مدد سے 39 رنز بناکر ناٹ آؤٹ رہے۔
اس طرح پاکستان شاہینز نے صرف ایک وکٹ گنواکر میچ اپنے نام کیا، 2023 کی ٹاپ اینڈ ٹی ٹوئنٹی سیریز میں پاکستان شاہینز دو میچز کھیل چکی ہے جب کہ انہیں ایک میچ میں فتح حاصل ہوئی ہے۔
واضح رہے کہ ٹاپ اینڈ ٹی ٹوئنٹی سیریز میں پاکستان شاہینز کا اگلا میچ کل ٹی آئی او اسٹیڈیم میں رینیگیٹز کے خلاف ہوگا جو مقامی وقت کے مطابق شام 6 بجے کھیلا جائے گا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
