قومی ٹیم کے کپتان بابر اعظم نے مراکش زلزلے پر گہرے دکھ اور افسوس کا اظہار کیا ہے۔
غیر ملکی میڈیا رپورٹس کے مطابق مراکش میں خوفناک زلزلے سے 820 افراد جاں بحق اور 672 افراد زخمی ہوگئے ہیں جن میں سے 205 افراد کی حالت تشویش ناک بتائی جارہی ہے۔
مراکش زلزلے پر گہرے دکھ اور تعزیت کا اظہار کرتے ہوئے قومی ٹیم کے کپتان بابر اعظم کا کہنا تھا کہ ’’مراکش سے آنے والے مناظر دیکھ کر پریشان ہوگیا ہوں، اللہ تعالیٰ ان پر رحم فرمائے‘‘۔
Disturbed after seeing the visuals coming out from Morocco. I share my deepest condolences. May Almighty have mercy upon them. #MoroccoEarthquake
— Babar Azam (@babarazam258) September 9, 2023
خیال رہے کہ مراکش میں تباہ کن زلزلے کی شدت 6.8 ریکارڈ کی گئی تھی جس سے عمارتیں لرز اٹھیں اور سیکڑوں افراد ملبے تلے دب گئے۔ زلزلے کی شدت سے تاریخی عمارتیں ملبے کا ڈھیر بن گئیں۔
یہ بھی پڑھیں: مراکش میں خوفناک زلزلے سے 820 افراد جاں بحق
امریکی جیالوجیکل سروے کے مطابق زلزلہ مراکش کے پہاڑی علاقے اٹلس میں آیا، جس کا مرکز مراکش کے جنوب مغرب میں 75 کلومیٹر دور تھا۔
زلزلے کی زیر زمین گہرائی 18.5 کلومیٹر تھی۔ زلزلے کے بعد آفٹرشاکس کاسلسلہ تاحال جاری ہے۔ زلزلے کے بعد متاثرہ علاقوں میں امدادی کارروائیاں شروع کردی گئی ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
