انٹرنیشنل کرکٹ کونسل (آئی سی سی) نے ورلڈ کپ 2023 کے لیے انعامی رقم کا اعلان کردیا۔
5 اکتوبر سے بھارت میں شروع ہونے والے آئی سی سی مینز کرکٹ ورلڈ کپ کے لیے آئی سی سی نے کل 10 ملین ڈالر کی انعامی رقم کا اعلان کیا ہے۔
ورلڈکپ کی فاتح ٹیم کو 4 ملین ڈالر کی انعامی رقم ملے گی جب کہ فائنل میں ہارنے والی ٹیم کو 2 ملین ڈالر ملیں گے۔
یہ بھی پڑھیں: آئی سی سی نے ورلڈکپ 2023 کا آفیشل ترانہ جاری کردیا
ایونٹ میں حصہ لینے والی کل 10 ٹیمیں گروپ مرحلے میں ایک بار ہر دوسری ٹیم سے مقابلہ کرے گی جب کہ پوائنٹس ٹیبل میں سر فہرست چار ٹیمیں سیمی فائنل میں پہنچیں گی۔
گروپ مرحلے میں جیتنے والی ٹیم کے لیے بھی انعامی رقم مختص کی گئی ہے اور ہر میچ جیت کر ٹیم کو 40 ہزار ڈالر ملیں گے جب کہ سیمی فائنل میں کوالیفائی نہ کرنے والی ٹیم کو 1 لاکھ ڈالر ملیں گے۔
خیال رہے کہ بھارت میں ہونے والے ورلڈ کپ میں انگلینڈ، آسٹریلیا، نیوزی لینڈ، بنگلادیش، پاکستان، افغانستان اور جنوبی افریقہ سمیت سری لنکا اور نیدرلینڈز کی ٹیمیں مدمقابل ہوں گی۔
یہ بھی پڑھیں: آئی سی سی ورلڈکپ 2023 کیلئے پاکستان کے اسکواڈ کا اعلان
ورلڈ کپ کے میچز بھارت میں 10 مقامات پر کھیلیں جائیں گے جب کہ ایونٹ میں کل 48 میچز ہوں گے جس کا افتتاحی میچ دفاعی چیمپئن انگلینڈ اور نیوزی لینڈ کے درمیان ہوگا۔
واضح رہے کہ میگا ایونٹ کے آغاز سے قبل ہر ٹیم دو وارم اپ میچز کھیلے گی۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
