انٹرنیشنل اولمپک کمیٹٰی (آئی او سی) نے لاس اینجلس اولمپکس 2028 میں کرکٹ کو شامل کرنے کی منظوری دے دی۔
کرکٹ شائقین کے لیے ایک خوشی کی خبر سامنے آئی ہے، انٹرنیشنل اولمپک کمیٹی نے امریکہ میں منعقد ہونے والے اولمپک گیمز لاس اینجلس 2028 میں کرکٹ کو شامل کرنے کی منظوری دے دی ہے۔
Baseball/softball, cricket (T20), flag football, lacrosse (sixes) and squash are the five sports submitted by the IOC’s Executive Board to the upcoming IOC Session as additional sports for the Olympic Games Los Angeles 2028. Full release: https://t.co/c97kn8hi6H
— IOC MEDIA (@iocmedia) October 13, 2023
کرکٹ کے ٹی ٹوئنٹی فارمیٹ کے ساتھ آئی او سی کے ایگزیکٹیو بورڈ نے مزید چار کھیلوں کو بھی شامل کیا ہے جن میں بیس بال یا سافٹ بال، فلیگ فٹبال، لیکروس اور اسکواش کے گیمز شامل ہیں۔
آئی او سی کی جانب سے جاری کردہ پریس ریلیز میں کہا گیا ہے ’’کرکٹ کے دنیا بھر میں 2.5 بلین سے زائد شائقین موجود ہیں اور یہ اقدام نئے ممالک اور کمیونٹیز کو بھی جڑنے کا انمول موقع فراہم کرے گا‘‘۔
آئی او سی کے صدر تھامس باک کہتے ہیں ’’اولمپک تحریک کو امریکہ اور عالمی سطح پر نئے کھلاڑیوں اور مداحوں کے ساتھ جڑنے کا موقع ملے گا‘‘۔
دوسری جانب انٹرنیشنل کرکٹ کونسل (آئی سی سی) نے مینز اور ویمنز کرکٹ کے لیے چھ ٹیموں کے ٹی ٹوئنٹی ایونٹ کی تجویز پیش کی ہے جب کہ ایونٹ میں مینز اور ویمنز کی ٹی ٹوئنٹی کی سرفہرست چھ ٹیمیں حصہ لیں گی۔
یاد رہے کہ کرکٹ دنیا کی تقریباً نصف آبادی میں کھیلی جاتی ہے اور کرکٹ کو صرف ایک مرتبہ 1900 کے پیرس اولمپکس میں شامل کیا گیا تھا۔
اس موقع پر صرف ایک میچ ہی کھیلا گیا جس میں برطانیہ نے میزبان فرانس کے خلاف گولڈ میڈل حاصل کیا تھا جب کہ یہ میچ دو دن پر محیط تھا جس میں فرسٹ کلاس میچ کی طرح 4 اننگز شامل تھیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
