سابق بھارتی بلے باز وریندر سہواگ نے پاکستان کرکٹ ٹیم کو کڑی تنقید کا نشانہ بنایا ہے۔
آئی سی سی مینز کرکٹ ورلڈکپ 2023 بھارت میں جاری ہے جس کا گروپ مرحلہ اپنے اختتام کو پہنچنے والا ہے جب کہ ورلڈکپ سے باہر ہونے کے دہانے پر کھڑی پاکستان ٹیم پر سابق بھارتی بلے باز وریندر سہواگ نے کڑی تنقید کی ہے۔
وریندر سہواگ نے سماجی رابطے کی سائٹ ایکس پر لکھا ’’21 ویں صدی میں 6 ون ڈے ورلڈکپ ہوچکے ہیں جس میں صرف ایک بار ہم 2007 میں سیمی فائنل میں کوالیفائی نہیں کرسکے تھے‘‘۔
انہوں نے کہا ’’ہم نے 5 مرتبہ سیمی فائنل تک رسائی حاصل کی ہے جب کہ دوسری جانب پاکستان نے صرف ایک مرتبہ 2011 میں سیمی فائنل کے لیے کوالیفائی کیا ہے اور وہ آئی سی سی سمیت بی سی سی آئی پر گیندوں اور پچ کو تبدیل کرنے کا الزام لگاتے ہیں جو کہ مضحکہ خیز الزامات ہیں‘‘۔
In the 21st century there have been 6 ODI world cups.
In 6 attempts, only once in 2007 did we not qualify for the semi-finals and have qualified in 5 of the last 6 World cups. On the other hand only once have Pakistan qualified for the semis in 6 attempts in 2011.
And they come… pic.twitter.com/W7U67pBrFU— Virrender Sehwag (@virendersehwag) November 11, 2023
ان کا کہنا تھا ’’جب ہم پاکستان کو ہرانے کے باوجود کسی دوسری ٹیم سے ہارتے ہیں تو ان کے وزیر اعظم ہمارا مذاق اڑاتے ہیں جب کہ بھارت پہنچ کر ان کے کھلاڑی ہمارے سپاہیوں کا مذاق اڑاتے ہیں اور حیدر آباد میں چائے سے لطف اندوز ہونے کی تصویریں پوسٹ کرتے ہیں‘‘۔
انہوں نے یہ بھی لکھا ’’پی سی بی کے چیف آن کیمرہ ہمارے ملک کو دشمن کہتے ہیں اور وہ اپنی نفرت کے بدلے ہم سے محبت کی توقع رکھتے ہیں‘‘۔
انہوں نے مزید لکھا ’’جو اچھا برتاؤ کرتے ہم اس کے ساتھ بہت اچھے ہیں اور جو ایسا برتاؤ کرے تو صحیح موقع پر سود سمیت ہم لوٹاتے ہیں، پھر چاہے وہ آن فیلڈ ہو یا آف فیلڈ‘‘۔
واضح رہے کہ اس سے قبل قومی ٹیم پر تنقید کرتے ہوئے وریندر سہواگ نے لکھا تھا ’’پاکستان زندہ بھاگ، واپسی گھر کی فلائٹ محفوظ ہو‘‘۔
