سابق بھارتی کھلاڑی سارو گنگولی کہتے ہیں کہ آپ زیادہ ٹی ٹوئنٹی کھیل کر کبھی اچھے کھلاڑی نہیں بن سکتے۔
مقامی نیوز چینل پر گفتگو کرتے ہوئے سابق بھارتی کھلاڑی اور سابق بھارتی کرکٹ بورڈ کے صدر کا کہنا تھا کہ آپ زیادہ ٹی ٹوئنٹی کھیل کر کبھی اچھے کھلاڑی نہیں بن سکتے بلکہ ایک معمولی کھلاڑی ہی رہیں گے۔
انہوں نے کہا کہ بھارت کی کامیابی کے پیچھے صرف آئی پی ایل نہیں بلکہ ہمارا ڈومیسٹک اسٹرکچر بھی مضبوط ہی، جہاں سے باصلاحیت کھلاڑیوں کا ایک بڑا ذخیرہ نکتا ہے اور آپ وہاں سے باآسانی انتخاب کرسکتے ہیں۔
یہ بھی پڑھیں: گنگولی کے ’یک طرفہ جیت‘ کے بیان پر وقار یونس کا ردعمل
ان کا کہنا تھا ’’کھلاڑیوں میں معیار 4 روزہ اور 5 روزہ کرکٹ کھیلنے سے آتا ہے اور اگر آپ زیادہ ٹی ٹوئنٹی کرکٹ کھیلی گے تو آپ معمولی کھلاڑی ہی رہیں گے‘‘۔
Former India captain #SouravGanguly extends his well wishes to our panellists and also advises on what adjustments should #PakistanCricket make to become a strong cricketing nation like India.#ASportsHD #ARYZAP #CWC23 #ThePavilion #ShoaibMalik #WasimAkram #FakhreAlam… pic.twitter.com/Bs5q2EH629
— ASports (@asportstvpk) November 11, 2023
سابق بھارت کھلاڑی کہتے ہیں ’’میں ہمیشہ کہتا ہوں کہ آپ پیسہ کمانے کے لیے ٹی ٹوئنٹی کرکٹ کھیلیں لیکن اگر آپ کو اچھا کھلاڑی بننا ہے تو لازمی ہے کہ 4 روزہ اور 5 روزہ کرکٹ کھیلیں‘‘۔
انہوں نے سابق پاکستانی کھلاڑیوں کی تعریف کرتے ہوئے کہا ’’کھلاڑیوں کو وسیم اکرم جیسا ہونا چاہیے جو ایک دن میں 25،30 اوورز کراسکے جب کہ وسیم اکرم نئی اور پرانی گیند کے ساتھ تیز بولنگ کیا کرتے تھے‘‘۔
انہوں نے مزید کہا کہ پاکستان میں بہت ٹیلنٹ موجود ہے، جنہیں ہم دیکھتے بھی رہتے ہیں جیسے کہ شاہین آفریدی، بابر اعظم، رضوان اور امام الحق جب کہ اگر پاکستان اپنی ٹیم میں کچھ خاص تبدیلیاں کرے تو نتائج مختلف ہوسکتے ہیں۔
واضح رہے کہ بابر اعظم کی قیادت میں پاکستان کرکٹ ٹیم ورلڈکپ 2023 میں بری طرح ناکام ہوکر وطن واپس آگئی ہے جب کہ قومی ٹیم کو تاریخ میں پہلی مرتبہ لیگ کے 5 میچز میں شکست ہوئی ہے۔
