قومی ٹیم کے مایہ ناز فاسٹ بولر شاہین آفریدی قومی ٹی ٹوئنٹی ٹیم کی قیادت کے لیے پرجوش ہیں۔
پاکستان کی ٹی ٹوئنٹی ٹیم کے کپتان نامزد ہونے پر فاسٹ بولر شاہین آفریدی کا بیان سامنے آگیا ہے جس میں انہوں نے اپنے خیالات کا اظہار کیا ہے۔
سماجی رابطے کی سائٹ ایکس پر جاری بیان میں شاہین آفریدی کا کہنا تھا ’’پاکستان ٹی ٹوئنٹی ٹیم کی قیادت میرے لیے باعث فخر ہے اور میں بہت پرجوش ہوں‘‘۔
I am honoured and thrilled to lead our national T20 cricket team. Thank you to the Pakistan cricket board and fans for their trust and support.
I'll give my best to uphold the team spirit and bring glory to our nation on the cricket field.
Our success lies in unity, trust and…— Shaheen Afridi (@iShaheenAfridi) November 16, 2023
انہوں نے لکھا ’’پاکستان کرکٹ بورڈ اور شائقین کے اعتماد اور حمایت کا شکریہ ادا کرتا ہوں، میں ٹیم اسپرٹ کو برقرار رکھنے اور کرکٹ کے میدان میں اپنی قوم کا نام روشن کرنے کے لیے اپنی پوری کوشش کروں گا‘‘۔
شاہین آفریدی کا مزید کہنا تھا ’’ہماری کامیابی اتحاد، اعتماد اور انتھک محنت میں ہے، ہم صرف ایک ٹیم نہیں ہیں، ہم ایک بھائی چارہ اور ایک خاندان ہیں اور ایک ساتھ آگے بڑھیں گے‘‘۔
واضح رہے کہ پاکستان کرکٹ بورڈ نے بابر اعظم کی قیادت سے دستبرداری کے بعد شان مسعود کو ٹیسٹ اور شاہین شاہ آفریدی کو ٹی ٹوئنٹی ٹیم کا کپتان مقرر کر دیا۔
