ورلڈکپ 2023 کے فائنل کی عبرتناک شکست بھارتی کھلاڑی ابھی تک نہیں بھول پائے۔
سابق بھارتی کرکٹر محمد کیف نے سوشل میڈیا سائٹ ایکس پر بھارتی شکست کو تسلیم نہیں کیا اور انہوں نے لکھا ’’میں کبھی نہیں مان سکتا کہ بہترین ٹیم نے ورلڈ کپ جیتا ہے۔ بھارتی ٹیم کاغذ پر بہترین ٹیم ہے‘‘۔
It hasn't yet sunk in. A team so good, easily the best in the tournament, losing the the final. But everyone will remember the journey of Rohit Sharma and Rahul Dravid and their boys. You did us proud, you will continue to do so with your entertaining and aggressive brand of… pic.twitter.com/Zj8FLH0CV9
— Mohammad Kaif (@MohammadKaif) November 21, 2023
اس ٹوئٹ کا جواب دیتے ہوئے آسٹریلوی کرکٹر ڈیوڈ وانر کا کہنا تھا ’’مجھے محمد کیف پسند ہیں، کاغذ پر کیا ہے اس سے کوئی فرق نہیں پڑتا جب کہ دن کے اختتام پر آپ کو کارکردگی کا مظاہرہ کرنے کی ضرورت ہوتی ہے اور اسی وجہ سے اس کو فائنل کہتے ہیں‘‘۔
I like MK, issue is it does not matter what’s on paper. At the end of the day you need to perform when it matters. That’s why they call it a final. That’s the day that counts and it can go either way, that’s sports. 2027 here we come 👍 https://t.co/DBDOCagG2r
— David Warner (@davidwarner31) November 22, 2023
انہوں نے مزید لکھا ’’یہی وہ دن ہے جو شمار کیا جاتا ہے اور ہمیشہ اسی طرح سے ہوتا ہے جب کہ اسی کو کھیل کہتے ہیں، 2027 میں ہم دوبارہ مدمقابل ہوں گے‘‘۔
واضح رہے کہ آئی سی سی مینز کرکٹ ورلڈکپ 2023 کا فائنل بھارت اور آسٹریلیا کی ٹیموں کے درمیان 19 نومبر احمد آباد کے نریندر مودی اسٹیڈیم میں کھیلا گیا۔
اس میچ میں بھارت کی بیٹنگ اور بولنگ لائن بری طرح ناکام ثابت ہوئی جب کہ آسٹریلیا نے 241 رنز کا ہدف 4 وکٹوں کے نقصان پر حاصل کرکے چھٹی مرتبہ عالمی اعزاز اپنے نام کیا تھا۔
