قومی کرکٹر احمد شہزاد نے ٹی ٹین کنٹریکٹ کے حوالے سے اہم بیان دے دیا۔
قومی کرکٹر احمد شہزاد کا کہنا ہے کہ میں نے ابوظہبی ٹی ٹین لیگ کا سیزن کھیلنے سے انکار کردیا ہے کیونکہ میری ڈومیسٹک ٹیم لاہور وائٹس کے لیے میری خدمات مکمل نہیں ہوسکیں۔
احمد شہزاد کا کہنا ہے کہ میں سب سے پہلے پاکستان میں ڈومیسٹک کرکٹ کھیلنا چاہتا ہوں، میرے لیے سب سے پہلے پاکستان ہے اور اسی کے لیے کھیلنا چاہتا ہوں۔
I have respectfully refused a contract to play in the ongoing season of Abu Dhabi T10 League as I believe I have some unfinished business with my team Lahore Whites in National T20 Cup, and I want to carry on playing domestic cricket in Pakistan. I have always believed in putting… pic.twitter.com/d0h6AHyUdF
— Ahmad Shahzad 🇵🇰 (@iamAhmadshahzad) November 30, 2023
بیٹر نے کہا کہ میں مستقبل میں بھی لیگوں کی بجائے پاکستان کرکٹ کو ترجیح دوں گا اور اسی وجہ سے پاکستان کی طرف سے کھیلوں گا۔
ان کا کہنا تھا کہ پی سی بی کا شکریہ ادا کرنا چاہتا ہوں جنہوں نے مجھے ٹی ٹین کا این او سی دیا لیکن میں پاکستان کی ڈومیسٹک کرکٹ کو عزت دینا چاہتا ہوں اور نوجوانوں کے لئے مثال قائم کرنا چاہتا ہوں۔
انہوں نے مزید کہا کہ میں بنگلہ ٹائیگرز کی ٹیم کا بھی شکریہ ادا کرنا چاہتا ہوں جنہوں نے ٹی ٹین میں اچھی آفر دی۔
واضح رہے کہ قومی کھلاڑی 133 ٹیسٹ، 81 ون ڈے اور 59 ٹی ٹوئنٹی انٹرنیشنل میچز میں پاکستان کی نمائندگی کرچکے ہیں جس میں انہوں نے 5 ہزار سے زائد رنز اسکور کیے ہیں۔
