پی سی بی نے سابق کرکٹر کامران اکمل، سمان بٹ اور راؤ افتخار کو چیف سلیکٹر وہاب ریاض کا کنسلٹنٹ مقررکردیا ہے۔
پاکستان کرکٹ بورڈ نے سابق کرکٹرز کامران اکمل، راؤ افتخار انجم اور سلمان بٹ کو چیف سلیکٹر وہاب ریاض کے کنسلٹنٹ کے طور پر مقرر کیا ہے۔
PCB confirms appointment of consultant members to chief selector
Details here ⤵️ https://t.co/ymd6LHoaT2
— PCB Media (@TheRealPCBMedia) December 1, 2023
یہ تینوں فوری طور پر اپنی ذمہ داریوں کا آغاز کریں گے اور بارہ جنوری سے نیوزی لینڈ میں ہونے والی پانچ ٹی ٹوئنٹی انٹرنیشنل میچز کی سیریز ان کا پہلا اسائنمنٹ ہوگی۔
یہ بھی پڑھیں: نوید اکرم چیمہ پاکستان کرکٹ ٹیم کے نئے مینجر مقرر
تینوں اراکین سلیکشن ڈیوٹی نہ ہونے کے دنوں میں اسکلز کیمپ میں اضافی ذمہ داریاں بھی نبھائیں گے۔
یاد رہے کہ کامران اکمل نے 53 ٹیسٹ 157 ون ڈے انٹرنیشنل اور58 ٹی ٹوئنٹی انٹرنیشنل میچز میں پاکستان کی نمائندگی کی ہے۔
انہوں نے تینوں فارمیٹس میں مجموعی طور پر 6871 رنز بنائے ہیں اور وکٹوں کے پیچھے 453 کیچز/ اسٹمپڈ کیے ہیں جب کہ وہ 2009 کا ٹی ٹوئنٹی ورلڈ کپ جیتنے والی ٹیم کے بھی رکن تھے۔
راؤ افتخار انجم بھی 2009 کا ٹی ٹوئنٹی عالمی کپ جیتنے والی ٹیم میں شامل تھے، وہ ایک ٹیسٹ 62 ون ڈے اور 2 ٹی ٹوئنٹی میچز کھیل چکے ہیں اور 78 انٹرنیشنل وکٹیں بھی حاصل کرچکے ہیں۔
سابق کپتان سلمان بٹ نے 33 ٹیسٹ 78 ون ڈے انٹرنیشنل اور 24 ٹی ٹوئنٹی انٹرنیشنل میں پاکستان کی نمائندگی کی ہے اور تینوں فارمیٹس میں گیارہ سنچریوں کی مدد سے 5209 رنز اسکور کیے ہیں۔
سلمان بٹ بھی کامران اکمل اور راؤ افتخار انجم کی طرح 2009 کے ٹی ٹوئنٹی ورلڈ کپ کی فاتح ٹیم کا حصہ تھے۔
