پاکستان کرکٹ ٹیم کے مِسٹری اسپنر ابرار احمد کی فٹنس کے حوالے سے اہم خبر سامنے آگئی ہے۔

اسپنر ابرار احمد کی علامات میں نمایاں بہتری آئی ہے اور انہوں نے 50 فیصد شدت سے بولنگ کرنا شروع کردی ہے۔ کینبرا میں تشخیص کے بعد سے انہوں نے بہت اچھا کام کیا ہے لیکن ابرار احمد ابھی 100 فیصد فٹ نہیں ہیں۔

Update on Abrar Ahmed

Details here ⤵️ https://t.co/0ZzMuJtQtS

— PCB Media (@TheRealPCBMedia) December 23, 2023

چوٹ کی نوعیت اور ٹیسٹ میچ میں اسپنر سے کام کے بوجھ کو مدنظر رکھتے ہوئے ابرار ابھی تیار نہیں ہیں جب کہ وہ دوسرے ٹیسٹ کے لیے بھی دستیاب نہیں ہوں گے۔

مِسٹری اسپنر 25 دسمبر کو ابتدائی فٹنس ٹیسٹ سے گزریں گے اور ابتدائی فٹنس ٹیسٹ سے گزرنے کے بعد ہی ان کی ممکنہ واپسی کی تاریخ کا تعین کیا جاسکے گا۔

واضح رہے کہ ابرار احمد 6 ٹیسٹ میچز میں قومی ٹیم کی نمائندگی کرچکے ہیں جس میں انہوں نے 38 وکٹیں حاصل کیں ہیں جب کہ فرسٹ کلاس میں وہ 22 میچز کھیل کر 121 وکٹیں حاصل کرچکے ہیں۔