کولمبو ٹیسٹ میں پاکستان نے سری لنکا کو ایک اننگز سے شکست دے کر سیریز میں وائٹ واش کردیا۔
تفصیلات کے مطابق سری لنکا کو اپنی سرزمین پر ٹیسٹ کرکٹ کی تاریخ میں سب سے بڑی شکست کا سامنا کرنا پڑا۔
پاکستان کی پہلی اننگز میں 410 رنز کی برتری کے جواب میں سری لنکا اپنی دوسری اننگز میں 188 رنز پر ڈھیر ہوگئی اور اسے اننگز اور 222 رنز سے شکست کا سامنا کرنا پڑا۔
اینجلو میتھیوز 63 رنز بناکر ناقابل شکست رہے۔ کپتان کرونارتنے 41 نشان مدھوشکا 33 رنز بناکر دیگر نمایاں بلے باز رہے۔
پاکستان کی جانب سے نعمان علی نے کیریئر بیسٹ 7 وکٹیں حاصل کیں جبکہ نسیم شاہ نے 3 وکٹیں حاصل کیں۔
🚨 Pakistan's highest margin of victory in an away Test 🚨
What a way to begin our ICC World Test Championship 2023-25 campaign 💪#SLvPAK pic.twitter.com/fMsQCc2dOH
— Pakistan Cricket (@TheRealPCB) July 27, 2023
اس سے قبل چوتھے روز پاکستان نے صرف دو اوورز کھیل کر محمد رضوان کی نصف سنچری کے بعد اننگز 576 رنز 5 کھلاڑی آؤٹ پر ڈکلیئر کردی تھی۔
پاکستان کو پہلی اننگز میں سری لنکا پر 410 رنز کی برتری حاصل ہوئی تھی۔
پاکستان کی جانب سے عبداللہ شفیق نے 201 اور آغا سلمان نے ناقابل شکست 132 رنز بنائے تھے۔سعود شکیل 57 ،شان مسعود 51 اور محمد رضوان 50 رنز بناکر دیگر نمایاں بلے باز رہے تھے۔
کپتان بابر اعظم 39 اور امام الحق 6 رنز بناکر آؤٹ ہوئےتھے۔ سرفراز احمد 14 رنز بناکر ریٹائرڈ ہرٹ ہوئے تھےاور محمد رضوان کو ان کی جگہ کنکوژن متبادل کے طور پر ٹیم میں شامل کیا گیا تھا۔
یاد رہے کہ سری لنکا نے ٹاس جیت کر بظاہر بیٹنگ کے لیے سازگار وکٹ پر پہلے بیٹنگ کرنے کا فیصلہ کیا تھا تاہم پوری ٹیم 166 رنز پر ڈھیر ہوگئی تھی۔
سری لنکن ٹیم ابتداء سے ہی مشکلات کا شکار رہی تھی اور دھننجیا ڈی سلوا (57) کے علاوہ کوئی بلے باز ٹک کر نہ کھیل سکا تھا۔ دنیش چندیمل 34 اور رمیش مینڈس 27 رنز بناکر دیگر نمایاں بلے باز رہے تھے۔
پاکستان کی جانب سے ابرار احمد نے 4، نسیم شاہ نے 3 اور شاہین شاہ آفریدی نے ایک وکٹ حاصل کی تھی۔
𝐏𝐚𝐤𝐢𝐬𝐭𝐚𝐧 𝐜𝐨𝐦𝐩𝐥𝐞𝐭𝐞 2️⃣-0️⃣ 𝐰𝐡𝐢𝐭𝐞𝐰𝐚𝐬𝐡 𝐨𝐯𝐞𝐫 𝐒𝐫𝐢 𝐋𝐚𝐧𝐤𝐚 🙌
Well played, boys 👏#SLvPAK pic.twitter.com/PdDIAy76Uy
— Pakistan Cricket (@TheRealPCB) July 27, 2023
واضح رہے کہ یہ سری لنکا کی اپنی سرزمین پر ٹیسٹ کرکٹ میں سب سے بڑی شکست ہے۔ اس سے قبل 1998 میں جنوبی افریقہ نے اننگز اور 208 رنز سے فتح حاصل کی تھی۔
اس سیریز میں فتح کے ساتھ ہی پاکستان ٹیم سری لنکن سرزمین پر پانچ ٹیسٹ سیریز جیتنے والی واحد ٹیم بن گئی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
