پاکستان کرکٹ ٹیم کے کھلاڑی محمد رضوان نے اپنا پلیئر آف دی میچ کا ایوارڈ فلسطینیوں کے نام کردیا۔
تفصیلات کے مطابق محمد رضوان نے سماجی رابطے کی ویب سائٹ ایکس (سابقہ ٹوئیٹر) پر لکھا یہ غزہ میں ہمارے بھائیوں اور بہنوں کے لیے تھا۔
محمد رضوان نے لکھا کہ میچ جیتنے سے خوشی ہوئی، اسے آسان بنانے کا کریڈٹ پوری ٹیم اور خاص طور پر عبداللہ شفیق اور حسن علی کو جاتا ہے۔
انہوں نے مزید کہا کہ شاندار مہمان نوازی اور تعاون کے لیے حیدرآباد کے لوگوں کا بے حد مشکور ہوں۔
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
خیال رہے کہ گزشتہ روز پاکستان نے سری لنکا کے خلاف 345 رنز کا ہدف حاصل کرکے ورلڈکپ کی تاریخ میں سب سے بڑا ہدف حاصل کرنے ریکارڈ قائم کیا۔
یہ ورلڈکپ کی چار دہائیوں پر مشتمل تاریخ میں تاریخ ساز فتح ہےجس پر سابق بھارتی کھلاڑیوں سمیت پوری دنیا سے پاکستان ٹیم کی تعریف کے پیغامات موصول ہوئے۔
پاکستان کی جانب سے محمد رضوان نے ناقابل شکست 131 اور ورلڈکپ ڈیبیو میچ کھیلنے والے عبداللہ شفیق نے 113 رنز کی شاندار اننگز کھیلیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
