پاکستان کے سب سے بڑے ڈومیسٹک ٹورنامنٹ قائد اعظم ٹرافی کے فائنل میں کراچی وائٹس نے فیصل آباد ریجن کوعبرتناک شکست دے دی۔
تفصیلات کے مطابق لاہور میں کھیلے گئے قائداعظم ٹرافی کے فائنل میں 790 رنز کے ہدف کے تعاقب میں فیصل آباد ریجن کی ٹیم 333 رنز پر ڈھیر ہوگئی۔
The winning moment for Karachi Whites! 🤩#QeAT | #FSDvKHIW pic.twitter.com/Sqp5xsj57y
— Pakistan Cricket (@TheRealPCB) October 26, 2023
کپتان فہیم اشرف نے 147 رنز کی شاندار اننگز کھیلی تاہم وہ ٹیم کو شکست سے نہ بچاسکے۔ان کے علاوہ علی وقاص 48 اور تیمور سلطان 31 رنز بناکر دیگر نمایاں بلے باز رہے۔
کراچی وائٹس کی جانب سے غلام مدثر نے 3، شاہنواز دھانی نے 2 جبکہ میر حمزہ، اسد شفیق اور نعمان علی نے ایک ایک وکٹ حاصل کی۔
🏆 CHAMPIONS 🏆
Karachi Whites clinch their fifth Quaid-e-Azam Trophy title 🙌 #QeAT | #FSDvKHIW pic.twitter.com/qhVQCxnM92
— Pakistan Cricket (@TheRealPCB) October 26, 2023
اس سے قبل کراچی وائٹس نے اپنی دوسری اننگز370 رنز 7 کھلاڑی آؤٹ پر ڈکلیئر کی تھی۔
اسد شفیق 113، صائم ایوب 109 اور کپتان سرفراز احمد 73 رنز بناکر نمایاں رہے تھے۔
فیصل آباد کی جانب سے خرم شہزاد نے 2 جبکہ ارشد اقبال، محمد علی اور فہیم اشرف نے ایک ایک وکٹ حاصل کی تھی۔
Victory vibes: Karachi Whites lift the coveted trophy ✨#QeAT | #FSDvKHIW pic.twitter.com/8imgt3nBms
— Pakistan Cricket (@TheRealPCB) October 26, 2023
یاد رہے کہ فیصل آباد ریجن کی ٹیم نے ٹاس جیت کر کراچی وائٹس کو پہلے بیٹنگ کرنے کی دعوت دی تھی جو غلط فیصلہ ثابت ہواتھا۔
کراچی کی پہلی وکٹ 15 رنز پر گرنے کے بعد شاندار ڈبل سنچری بنانے والے صائم ایوب اور شان مسعود کے درمیان 367 رنز کی شاندار شراکت قائم ہوئی تھی۔
صائم ایوب 203 اور شان مسعود180 رنز بناکر آؤٹ ہوئےتھے۔کپتان سرفراز احمد 45 اور میر حمزہ 33 رنز بناکر دیگر نمایاں بلے باز رہے تھے۔
کراچی نے پہلی اننگز میں مجموعی طور پر 543 رنز بنائےتھے۔
فیصل آباد کی جانب سے ارشد اقبال، محمد علی اور خرم شہزاد نے3،3 جبکہ کپتان فہیم اشرف نے ایک وکٹ حاصل کی تھی۔
فیصل آباد ریجن کی ٹیم اپنی پہلی اننگز میں صرف 124 رنز پر ڈھیر ہوگئی تھی۔
عرفان خان 32، علی وقاص 27، محمد حریرا 17 اور ارشد اقبال 13رنز بناکر آؤٹ ہوئےتھے۔ ان کے علاوہ کوئی دیگر کھلاڑی ڈبل فیگرز میں داخل نہ ہوسکا تھا۔
کراچی وائٹس کی جانب سے میر حمزہ نے 5 ، شاہنواز دھانی نے 4 اور غلام مدثر نے ایک وکٹ حاصل کی تھی۔
صائم ایوب کو پہلی اننگز میں ڈبل سنچری اور دوسری اننگز میں سنچری اسکور کرنے میچ کا بہترین کھلاڑی قرار دیا گیا۔
سرفراز احمد کو ٹورنامنٹ کے 7 میچز میں 99.57 کی اوسط سے 697 رنز اسکور کرنے اور وکٹوں کے پیچھے 28 شکار کرنے پر ٹورنامنٹ کا بہترین کھلاڑی قرار دیا گیا۔
Karachi Whites win the TransGroup presents ParkView City Quaid-e-Azam Trophy 2023-24 final by a massive margin of 4️⃣5️⃣6️⃣ runs 👏#QeAT | #FSDvKHIW pic.twitter.com/FuPdbryFic
— Pakistan Cricket (@TheRealPCB) October 26, 2023
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
