پاکستان نے ورلڈکپ کے اہم میچ میں ڈک ورتھ لوئس میتھڈ کے تحت نیوزی لینڈ کو 21 رنز سے شکست دے دی جب کہ ریکارڈ ساز اننگز کھیلنے پر فخرزمان کو مین آف دی میچ قرار دیا گیا۔
تفصیلات کے مطابق بنگلور میں کھیلے گئے میچ میں نیوزی لینڈ نے پہلے بیٹنگ کرتے ہوئے رچن رویندرا کی شاندار سنچری اور کپتان کین ولیمسن کی جارحانہ اننگز کی بدولت مقررہ 50 اوورز میں 6 وکٹ کے نقصان پر 401 رنز بنائے جس کے جواب میں قومی ٹیم نے ڈی ایل ایس کےتحت کیویز کو 21 رنز سے شکست دے دی۔
A blitz from Fakhar Zaman helped Pakistan stay ahead of New Zealand in a rain-affected encounter ✌
With this win, Pakistan remain in contention for a #CWC23 knockout spot.#NZvPAK pic.twitter.com/gpokdtpu4O
— ICC Cricket World Cup (@cricketworldcup) November 4, 2023
پاکستان اننگز:
قومی ٹیم کی جانب سے عبداللہ شفیق اور فخرزمان نےاننگز کا آغاز کیا تاہم عبداللہ شفیق 4 رنز بنانے کے بعد ٹم ساؤتھی کا شکار بن گئے جس کے بعد کپتان بابراعظم نے فخرزمان کوجوائن کیا اور دونوں نے ذمہ دارانہ اننگز کھیلتے ہوئے پاکستان کو جیت سے ہمکنار کروایا۔
🚨 FASTEST WORLD CUP CENTURY FOR A PAKISTAN BATTER 🚨
9️⃣ sixes in his 63-ball 💯! 🤯#NZvPAK | #CWC23 | #DattKePakistani pic.twitter.com/LWxmIKMKbB
— Pakistan Cricket (@TheRealPCB) November 4, 2023
اس دوران فخر زمان نے 63 گیندوں پر سنچری بناکر ورلڈکپ میں پاکستان کی جانب سے تیز ترین سنچری بنانے کا ریکارڈ قائم کردیا، وہ آخری لمحات تک وکٹ پر ڈٹے رہے اور 81 گیندوں پر 126 رنز کی اننگز کھیلی جس میں ریکارڈ ساز 11 چھکے اور 8 چوکے شامل تھے۔
دوسری جانب کپتان بابراعظم بھی 63 گیندوں پر 66 رنز بناکر ناقابل شکست رہے، ان کی اننگز میں 6 چوکے اور 2 چھکے شامل تھے۔
بارش کے باعث جب میچ روکا گیا تو پاکستان نے 21 اوورز میں 159 رنز بنارکھےتھے ، اس وقت پاکستان ڈی ایل ایس (ڈک ورتھ لوئس میتھڈ) کے تحت نیوزی لینڈ سے 10 رنز آگے تھے۔
Bengaluru witnessed one of the finest hundreds in World Cup history 💯
No surprises here: Fakhar Zaman is the Player of the Match 🏆 https://t.co/adkwhgOKPg #PAKvNZ #CWC23 pic.twitter.com/vl99Yx7unX
— Cricinfo (@cricinfo) November 4, 2023
بعد ازاں ایک گھنٹے بعد جب دوبارہ میچ کا آغاز ہوا تو ڈی ایل ایس قانون کے تحت ہدف کو 342 رنز تک محدود کردیا گیا جو پاکستان کو 41 اوورز میں حاصل کرنا تھا۔
میچ شروع ہونے کے بعد 24 گیندیں کھیلی گئیں تو اس دوران پھر بارش شروع ہوگئی تاہم پاکستان ڈی ایل ایس میتھڈ کے تحت 21 رنز زیادہ بنائے جس کے تحت قومی ٹیم کو فاتح قرار دیا گیا۔
نیوزی لینڈ اننگز:
ورلڈکپ 2023 کے پینتیسویں میچ میں پاکستان نے ٹاس جیت کر نیوزی لینڈ کو پہلے بیٹنگ کرنے کی دعوت دی۔ چار فاسٹ بولرز کے ساتھ میدان میں اترنے والی پاکستان ٹیم کا فیصلہ ابتداء سے ہی غلط ثابت ہوا اور نیوزی لینڈ نے 68 رنز کی جارحانہ اوپننگ شراکت قائم کی۔
ڈیوون کونوے کے 35 رنز پر آؤٹ ہونے کے بعد انجری سے صحتیاب ہونے والے کین ولیمسن نے رچن رویندرا کے ہمراہ 180 رنز کی شراکت قائم کی۔
نوجوان رچن رویندرا (108) نے رواں ورلڈکپ میں تیسری سنچری اسکور کی جبکہ کپتان کین ولیمسن (95) پانچ رنز کی کمی سے اپنی سنچری مکمل نہ کرسکے۔ گلین فلپس 41، مارک چیپمین 39، ڈیرل مچل 29 جبکہ مچل سینٹنر 26 اور ٹام لیتھم 2 رنز بناکر ناٹ آؤٹ رہے۔
The team's highest ever @cricketworldcup total and second highest ODI total ever! Time to bowl in Bengaluru. Follow play LIVE in NZ with @skysportnz. LIVE scoring | https://t.co/3Nuzua3Jiu #CWC23 pic.twitter.com/B86JlS0wo9
— BLACKCAPS (@BLACKCAPS) November 4, 2023
پاکستان کی جانب سے محمد وسیم نے 3 جبکہ حسن علی، افتخار احمد اور حارث رؤف نے ایک ایک وکٹ حاصل کی۔
واضح رہے کہ پاکستان کو سیمی فائنل کی دوڑ میں برقرار رہنے کے لیے اس میچ میں بڑے مارجن سے فتح درکار ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
