دورہ جنوبی فریقا پر موجود بھارتی ٹیم کے اہم کھلاڑی ویرات کوہلی ٹیسٹ سیریز کے آغاز سے قبل ہی ٹیم چھوڑ کر وطن واپس آگئے۔

تفصیلات کے مطابق ویرات کوہلی ذاتی وجوہات کی بناء پر جنوبی افریقا سے وطن واپس آئے ہیں تاہم ان کے سینچورین میں باکسنگ ڈے ٹیسٹ سے قبل دوبارہ ٹیم  کو جوائن کیے جانے کا امکان ہے۔

بھارتی میڈیا کا کہنا ہے کہ اس حوالے سے بی سی سی آئی نے تصدیق  کرتے ہوئے  ویرات کوہلی کی اچانک وطن واپسی کی وجہ فیملی ایمرجنسی بتائی ہے مگر اس کی نوعیت کا علم نہیں ہوسکا ہے۔

🚨 Virat Kohli has returned home from South Africa for personal reasons, but is likely to rejoin the team ahead of the Boxing Day Test in Centurion

Details 👉 https://t.co/2bYSTBEtJS #SAvIND pic.twitter.com/tMGKWFp1DM

— Cricinfo (@cricinfo) December 22, 2023

جنوبی افریقا کے خلاف 26 دسمبر سے سنچورین میں شروع ہونے والے پہلے ٹیسٹ میں کوہلی کی شرکت مشکوک ہوگئی ہے۔

واضح رہے کہ جنوبی افریقہ کے خلاف ٹی ٹوئنٹی اور ون ڈے سیریز کھیلنے سے ویرات کوہلی نے پہلے ہی معذرت کرلی تھی۔ بھارت کا دورہ جنوبی افریقا 2 ٹیسٹ، 3 ون ڈے اور 3 ٹی ٹوئنٹی میچز پر مشتمل ہے۔