سماجی رابطے کی ویب سائٹ ایکس (ٹوئٹر) کے مالک اور دنیا کے امیر ترین شخص ایلون مسک کے ہاں تیسرے بچے کی پیدائش ہوئی ہے۔

غیر ملکی میڈیا رپورٹ کے مطابق ایلون مسک اور ان کی گرل فرینڈ کینیڈین گلوکارہ گرائمز کے تیسرے بچے کی پیدائش کو خفیہ رکھا گیا ہے۔

بچے کا نام ٹیکنو مکینیکوس رکھا گیا ہے اور اس کی عرفیت ٹاؤ ہے۔

یہ لڑکا ہے یا لڑکی اس حوالے سے کوئی تفصیلات سامنے آئیں جبکہ اس کی پیدائش کب ہوئی یہ بھی نہیں بتایا گیا۔

واضح رہے کہ ایلون مسک اور گرائمز کے ہاں 2020 میں پہلے بیٹے کی پیدائش ہوئی تھی جبکہ دوسری بیٹی 2022 میں سروگیسی کے ذریعے پیدا ہوئی۔

اس کے چند ماہ ایلون مسک اور گرائمز کا تعلق ختم ہوگیا تھا مگر گلوکارہ کا کہنا تھا کہ ہم اب بھی بہترین دوست ہیں۔

ایلون مسک اور ان کی سابقہ اہلیہ “جسٹن ولسن” کے ہاں 6 بچوں کی پیدائش ہوئی تھی، جن میں سے ایک 10 ہفتوں کی عمر میں چل بسا تھا۔

اس کے علاوہ ایلون مسک کا ان کی کمپنی نیورالنک کی عہدیدار شیون زیلیس سے بھی تعلق رہا تھا اور دونوں کے ہاں جڑواں بچوں کی پیدائش نومبر 2021 میں ہوئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں