اگر آپ بھی چیٹ جی پی ٹی کو اپنے راز بتاتے ہیں تو ٹھہر جائیں کیونکہ یہ انتہائی خطرناک ثابت ہوسکتا ہے۔
غیر ملکی خبر رساں ادارے کی رپورٹ کے مطابق حالیہ مطالعے میں خبردار کیا گیا ہے کہ اے آئی ٹولز کے ساتھ اپنے گہرے راز شیئر کرنا آپ کو خطرے میں ڈال سکتا ہے۔
آکسفورڈ یونیورسٹی کے مشہور پروفیسر مائیک وولرج نے ان ٹولز کا استعمال کرنے والوں کو خبردار کرتے ہوئے کہا ہے کہ ان اے آئی ٹولز کو بتائی گئی ذاتی معلومات آگے جا کر آپ ہی کے خلاف استعمال کی جاسکتی ہیں۔
AI is the most rapidly evolving area of science today
Join @wooldridgemike for the #XmasLectures, supported by CGI, revealing the truth about AI – from its impact on daily life to showing how AI technology really works
8pm on BBC Four on 26, 27, 28 December & BBC iPlayer pic.twitter.com/8pYkeoiqLJ
— Royal Institution (@Ri_Science) December 19, 2023
انہوں نے کہا کہ یہ اے آئی سسٹمز اگرچہ ہوشیار لگتے ہیں لیکن ان میں احساسات نام کی کوئی چیز نہیں، وہ ایسے جوابات دینے کے لیے پروگرام کیے گئے ہیں جو آپ کو مطمئن رکھتے ہیں لیکن ان میں حقیقی جذبات یا تجربات کی کمی ہے۔
ان کا کہنا تھا کہ یہ ٹیکنالوجی بنیادی طور پر آپ کو وہ بتانے کی کوشش کرنے کے لیے بنائی گئی ہے جو آپ سننا چاہتے ہیں اس میں کسی کے لیے کوئی ہمدردی نہیں ہے۔
پروفیسر کے مطابق آپ جو بھی چیز چیٹ جی پی ٹی کے ساتھ شیئر کرتے ہیں وہ براہ راست سسٹم کے مستقبل کے ورژن میں جاسکتی ہے۔
آکسفورڈ یونیورسٹی کے مشہور پروفیسر مائیک وولرج نے اس کا موازنہ فیس بک جیسے پلیٹ فارم پر ذاتی چیزیں شیئر کرنے کے بارے میں ابتدائی انتباہات سے کیا اسی لیے انہوں نے چیٹ جی پی ٹی پر گہری یا حساس باتوں سے گریز کرنے کا مشورہ دیا تاکہ معلومات کو محفوظ بنایا جاسکے۔
