گزشتہ روز ملک بھر میں انٹرنیٹ سروسز ڈاؤن ہونے کی حیران کُن وجہ سامنے آ گئی ہے۔

پاکستان ٹیلی کمیونیکیشن اتھارٹی (پی ٹی اے) نے انٹرنیٹ معطلی کی وجہ تکنیکی خرابی بتادی۔

پی ٹی اے نے سماجی رابطے کی ویب سائٹ ایکس پر اپنے جاری کردہ ایک بیان میں بتایا کہ پی ٹی اے کی جانب سے عوام الناس کو مطلع کیا جاتا ہے کہ انٹرنیٹ میں جو تعطل آیا اس کی وجہ تکنیکی خرابی تھی۔

پی ٹی اے کی جانب سے عوام الناس کو مطلع کیا جاتا ہے کہ کچھ دیر پہلے انٹرنیٹ میں جو تعطل آیا اس کی وجہ تکنیکی خرابی تھی جسے درست کرکے انٹرنیٹ کو ملک بھر میں مکمل طور پر بحال کر دیا گیا ہے.

— PTA (@PTAofficialpk) January 20, 2024

بیان میں بتایا گیا کہ اس تکنیکی خرابی کو درست کر کے انٹرنیٹ کو ملک بھر میں مکمل طور پر بحال کر دیا گیا ہے۔

واضح رہے کہ گزشتہ روز ملک بھر میں انٹرنیٹ سروسز معطل ہونے کی شکایات سامنے آئی تھیں جس کے باعث صارفین کو سوشل میڈیا پلیٹ فارمز تک رسائی میں مشکلات کا سامنا تھا۔