پی سی بی کی مینجمنٹ کمیٹی نے رمیز راجہ کی پاکستان جونیئر لیگ ختم کرنے کے باجود کھلاڑیوں کو ادائیگی نہیں کی ہے۔
تفصیلات کے مطابق پاکستان جونیئر لیگ کو ختم کرنے سے شروع ہونے والی بحث کے درمیان، یہ اطلاع ملی ہے کہ کھلاڑی ٹورنامنٹ کے افتتاحی ایڈیشن کے لیے پاکستان کرکٹ بورڈ (پی سی بی) کی جانب سے ادائیگیوں کے منتظر ہیں۔
میڈیا رپورٹس کے مطابق مقامی کھلاڑیوں کو ابھی تک افتتاحی ایڈیشن کی ادائیگی نہیں کی گئی جبکہ صرف غیر ملکی کھلاڑیوں کو ستر فیصد ادائیگی کی گئی ہے۔
یہ خبر سب سے پہلے اس وقت پھیلی جب گوادر شارک کے کپتان شمائل حسین پاکستان جونیئر لیگ کے بارے میں ایک ٹویٹ کا جواب دیا۔ انہوں نے کہا کہ کھلاڑیوں کو ابھی تک ادائیگی نہیں کی گئی ہے۔
it was a great idea, but do you not think paying $22,000 to u19 kids is too much? I think PJL should still be played, but we can manage the costs better.
— hazharoon (@hazharoon) December 31, 2022
واضح رہے کہ دو روز قبل پی سی بی کی موجود مینجمنٹ کمیٹی نے ایک اجلاس میں پاکستان جونیئر لیگ کو ختم کرتے ہوئے جونیئر سیریز کو گھر اور باہر کی بنیاد پر بحال کرنے کا فیصلہ کیا ہے۔
مینجمنٹ کمیٹی کے مطابق پاکستان سپر لیگ کی فرنچائزز کے ساتھ انڈر 19 کھلاڑی کو ان کی ایمرجنگ کیٹیگریز میں شامل کرنے کے حوالے سے بات چیت کی جائے گی۔
پاکستان جونیئر لیگ کو ختم کرنے کی خبر کے ساتھ ہی یہ خبر ملی کہ ڈومیسٹک کرکٹرز کو ادائیگیاں جلد شروع ہو جائیں گی۔
انتظامی کمیٹی نے ڈومیسٹک کرکٹرز کو ترجیحی بنیادوں پر ادائیگی کا کام مکمل کر لیا ہے۔ جس کے مطابق پہلے مرحلے میں ڈومیسٹک کرکٹرز کو چار ماہ کا معاوضہ ادا کیا جائے گا اور ادائیگی کے چار ماہ بعد ہر ماہ معاوضہ ادا کیا جائے گا۔
یاد رہے کہ موجودہ سیزن میں ڈومیسٹک کرکٹرز کو ماہانہ کنٹریکٹ کی رقم ادا نہیں کی گئی جس کے لیے انتظامی کمیٹی نے معاہدے کے مطابق تمام ادائیگیاں فوری کرنے کا فیصلہ کیا۔
