ایشیا کپ کے سپر فور مرحلے میں بھارت کے خلاف بد ترین شکست پر شاہد آفریدی کا ردعمل سامنے آگیا۔
ایشیا کپ کے سپر فور مرحلے میں بھارت نے پاکستان کو آؤٹ کلاس کرتے ہوئے 228 رنز کے بڑے مارجن سے شکست دیکر قومی ٹیم کی مشکلات میں اضافہ کردیا۔
بھارت نے پہلے بیٹنگ کرتے ہوئے مقررہ 50 اوورز میں 356 رنز بنائے جس میں ویرات کوہلی اور کے ایل راہل کی شاندار سنچریاں شامل تھیں جس کے جواب میں پاکستان کی پوری ٹیم صرف 128 رنز پر پویلین لوٹ گئی تھی اور یوں بھارت کو پاکستان کے خلاف ون ڈے میں اب تک کی سب سے بڑی کامیابی حاصل ہوگئی۔
بھارت سے شکست کے بعد قومی کرکٹ ٹیم کے سابق کپتان شاہد آفریدی نے سوشل میڈیا پر بیان جاری کرتے ہوئے کہا کہ جیت اور ہارمقابلے کا حصہ ہے لیکن جیت کے لیے نہ لڑنا برا ہے، بھارت نے پاکستان کیخلاف میچ میں ہر شعبہ میں بہترین کار کردگی دکھائی۔
Winning/losing is part of competing, but not putting up a fight, not showing intent to win is just poor. Exactly what I was referring to in my previous tweet.
India played as #1 on the field, batting & bowling. Congrats @imVkohli on achieving another dream milestone of ODI runs…— Shahid Afridi (@SAfridiOfficial) September 11, 2023
شاہد آفریدی نے ویرات کوہلی کو ون ڈے کرکٹ میں تیز ترین 13ہزار رنز مکمل کرنے اور پاکستان کے خلاف شاندار سنچری اسکور کرنے پر کوہلی اور کے ایل راہول کو مبارک باد بھی دی۔
شاہد آفریدی نے ساتھ ہی پاکستان کرکٹ ٹیم کے کھلاڑیوں کو حوصلہ دیتے ہوئے کہا کہ آپ اگلے میچ میں اچھی کاردکرگی دکھا سکتے ہیں۔
