بڑے شہروں میں سڑکوں پر ٹریفک کا جام ہوجانا عام سی بات ہوگئی ہے جس کی بہت سی وجوہات ہوسکتی ہیں لیکن حال ہی میں پیش آنے والے واقعے نے سب کو حیران کردیا ہے۔
بھارت کے ایک شہر بہار میں ی سڑکوں پر ایک انوکھا منظر سامنے آیا جب ایک پل کے نیچے پھنس جانے والا طیارہ ٹریفک میں بڑی رکاوٹ کا باعث بنا۔
Ex-Air India A320 fuselage gets stuck beneath a bridge in Motihari while being transported from Mumbai. pic.twitter.com/5mdhFoetdj
— Breaking Aviation News & Videos (@aviationbrk) December 29, 2023
غیر ملکی خبر رساں ادارے کے مطابق ٹوٹے ہوئے طیارے کو ٹریلر ٹرک پر ممبئی سے آسام لے جایا جا رہا تھا جب ایک ہوائی جہاز پل کے نیچے پھنس گیا تھا۔
اس واقعے کی ایک ویڈیو جو سوشل پر وائرل ہوئی ہے اس میں دکھایا گیا ہے کہ طیارے کی وجہ سے ٹریفک کی روانی بری طرح متاثر ہوئی ہے جس کی وجہ سے ہر کوئی متبادل راستہ تلاش کرنے کی کوشش میں لگا ہوا ہے۔
حکام کا کہنا ہے کہ یہ واقعہ اس وقت پیش آیا جب ٹرک ڈرائیور نے پل کی اونچائی کا غلط اندازہ لگایا اور سوچا کہ وہ اس کے نیچے سے گزر سکتا ہے۔
خیال رہے کہ نومبر 2022 میں، آندھرا پردیش میں بھی ایسا ہی ایک واقعہ پیش آیا تھا جب آندھرا پردیش کے باپٹلا ضلع میں ایک سڑک کے انڈر پاس پر ایک طیارہ پھنس گیا تھا۔
