آج کل سوشل میڈیا پر ‘بریانی چائے’ کے کافی چرچے ہو رہے ہیں۔
بریانی اور چائے دو مختلف چیزیں ہیں جنہیں کھا اور پی کر لوگ لطف اندوز ہوتے ہیں جبکہ یہ دونوں ہی ذائقے میں ایک دوسرے سے الگ ہیں۔
کیا آپ نے کبھی سوچا ہے کہ ان دونوں کا ملاپ کیسا ہوگا؟ سننے میں بہت غیر روایتی لگتا ہے، لیکن آپ یقین کریں یا نہ کریں، حال ہی میں، ایک خاتون کو ‘بریانی چائے’ بناتے ہوئے دیکھا گیا ہے اور اس کی ترکیب پر صارفین کی جانب سے ملے جلے ردعمل سامنے آرہے ہیں۔
بریانی چائے کی یہ ترکیب انسٹاگرام پر وائرل ہوئی، جسے صارف @nehadeepakshah نے پوسٹ کیا تھا۔
بریانی چائے کی وائرل ویڈیو:
View this post on Instagram
کلپ میں ان خاتون کو دار چینی، سونف، کالی مرچ، الائچی ، سونف کے بیج اور چائے کی پتیاں ابلتے ہوئے پانی میں ڈالتے ہوئے دکھایا گیا ہے۔
ایک بار جب سب کچھ ٹھیک سے ابل جاتا ہے، تو وہ ادرک کو کچل کر شہد کے ساتھ گلاس میں ڈال دیتی ہیں۔
آخر میں، وہ اس مصالحے کے آمیزے کو گلاس میں ڈالتی ہیں اور ‘بریانی چائے’ پینے کےلئے تیار ہے۔
