جنوبی افریقہ کے معروف رگبی کھلاڑی اور ورلڈ کپ فاتح پر اینٹی ڈوپنگ کے الزام میں 4 سال کی پابندی عائد کر دی گئی۔
برطانوی خبر رساں ادارے کی خبر کے مطابق جنوبی افریقی انسٹی ٹیوٹ فار ڈرگ فری اسپورٹس نے اعلان کیا ہے کہ جنوبی افریقی کھلاڑی ایلٹن جنٹس پر ڈوپنگ کے الزام میں چار سال کی پابندی عائد کی گئی ہے۔
اسپرنگ بوکس کے ساتھ 2019 کا ورلڈ کپ جیتنے والے ایلٹن جنٹس کا گزشتہ سال کلینبوٹرول ٹیسٹ مثبت آیا تھا۔
رپورٹس کے مطابق ممنوعہ دوا چربی جلا سکتی ہے لیکن دمہ کی ادویات میں بھی پائی جاتی ہے۔
33 سالہ کھلاڑی ایلٹن جنٹس نے اگست میں کہا تھا کہ وہ ‘حیران اور افسردہ’ ہیں اور اصرار کرتے ہیں کہ وہ بے قصور ہیں۔
ایس آئی ڈی ایس نے اپنے فیصلے میں کہا کہ ایتھلیٹ نے اپنے کیس کی سماعت آزاد ڈوپنگ ہیئرنگ پینل کے سامنے کرنے کے اپنے حق کا استعمال نہیں کیا۔
اس فیصلے کے بعد سے ایلٹن جنٹس نے خود کوئی بیان نہیں دیا ہے لیکن ان کے ایجنٹ انتھونی جانسن نے جنوبی افریقی میڈیا کو بتایا کہ وہ نتائج سے لڑنے کے بارے میں پوچھ گچھ کر رہے ہیں۔
اس کھلاڑی نے حال ہی میں فرانسیسی کلب ایگن کے لئے مقابلہ کیا ہے لیکن وہ جاپانی ٹیموں ریڈ ہریکین اوساکا اور شائننگ اوکس کے لئے کھیل چکے ہیں۔
ایلٹن جنٹس نے جنوبی افریقہ کے لئے 46 میچ جیتے اور آخری بار 2022 میں اپنے ملک کے لئے مقابلہ کیا۔
