ایشیا کے امیر ترین شخص کی اہلیہ نیتا مکیش امبانی نے حال ہی میں ممبئی میں منعقدہ 71 ویں مس ورلڈ کی تقریب میں مغل بادشاہ کے نایاب زیورات کے ساتھ اپنی کالی اور سنہری ساڑھی پہن کر شو میں شرکت کی۔
اپنے بیٹے آننت اور ان کی منگیتر رادھیکا کی شادی سے پہلے کی تقریبات میں 500 کروڑ کے ہار کے بعد، مسز نیتا امبانی سوشل میڈیا پر ایک بار پھر اپنے زیورات کے انتخاب کی وجہ سے توجہ کا مرکز بنی ہوئیں ہیں۔
71 ویں مس ورلڈ کی تقریب میں انہوں نے سودیش اور منیش ملہوترا کی زری ساڑھی کے ساتھ، انہوں نے تاریخی زیورات پہننے کا انتخاب کیا جو کبھی مغل بادشاہ شاہ جہاں کی ملکیت تھی۔
View this post on Instagram
میڈیا رپورٹس کے مطابق 2 بلین روپے سے زیادہ مالیت کا بازوبند، جو مغل دور کا ہے، سونے سے بنا ہے اور ہیروں، یاقوت اور اسپنلز سے جڑا ہے۔
سال 2019 میں نیلامی سے قبل 13.7 سینٹی میٹر کی اونچائی اور 19.8 سینٹی میٹر چوڑا شاندار ٹکڑا، آخری بار عوامی طور پر ال تھانی کلیکشن میں دیکھا گیا تھا۔
خیال رہے کہ مس ورلڈ کا باوقار مقابلہ حال ہی میں جیو ورلڈ کنونشن سینٹر میں منعقد ہوا۔ اس تقریب میں جمہوریہ چیک کی 24 سالہ کرسٹینا پیزکووا کو 71ویں مس ورلڈ کا تاج پہنایا گیا۔
مزید برآں، مسز نیتا امبانی کو اس تقریب میں انسان دوستی اور سماجی کاموں کے لیے ان کی وابستگی کے اعتراف میں ‘بیوٹی ود اے پرپز ہیومینٹیرین ایوارڈ’ سے نوازا گیا۔
